Miˇ tsaˬ heu siˬ mehˬ hu paw aˬ joˆ˗ehˇ pyeuꞈ laˇ˗eu nga?
Nawˬ˗ahˇ aˬ joˆ˗ehˇ noeˬ nya?
Aˬ myah myah loꞈ˗ehˇ jaˆ gʼeh˗eu?
Doeˇ dzehˬ laˇ˗eu?
Muiˬ dzehˬ laˇ˗eu?
Jaˇliꞈ ehˇ˗eu
‘Miˬyehˇ aˬ yawꞈ maꞈ˗euˬ myaˆ biˇ dawˬ tawˆ luꞈ˗ahˇ aˬ yawꞈ siˆ shawˇ nehˬ tehꞈ˗a. Shiˇ˗eu jeˬ maˬ paˇ jaˆ˗ehˇ, noeˬ shaˬ noeˬ zahˬ˗eu jeˬ, ngoeˇ˗eu jeˬ hawˇ˗eu, naˇ˗eu gawˇ˗eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ˗euˬ meh.’—Pah mehˬ˗eu 21:3, 4.
Mehˬ hu paw aˬ dui aˬ joˆ˗ehˇ ya dehꞈ˗eu nga?
Nui kʼahˇ shiˇ laˇ paˬ˗ehˇ aˇ poeˬ baw˗eu gaˇ ya mˇ.—Iˇsaˬyaˇ 65:21-23.
Shaˬ zahˬ naˇ gawˇ maˬ paˇ jaˆ.—Iˇsaˬyaˇ 25:8; 33:24.
Yawˬ ha˗euˬ nymˇ jiˇ hawˇ˗eu cawˬ deuˬ nehˬ˗ehˇ aˬ myah luꞈ laˬ kʼaˬ tiˬ cehˇ ya dehꞈ gʼeh.—Ja ceuˬ 37:11, 29.
Jaˇliꞈ ehˇ gaˇ jah nya ngaˇ laˬ?
Jah nya˗eu yaw teˬ nyiˬ kawˆ jaˆ meh.
Miˬyehˇ aˬ yawꞈ neh saˇ jaˇ kʼaˇ dzaˬ taˬ˗euˬ jeˬ mˇ pyeuꞈ nya. Yeˬhawˇbaˬ dui dui maˬ baw˗eu baoˬ ahˇ˗eu miˇ neh, Jaˇliꞈ laꞈ kʼoeˇ aˬ yawꞈ tiˬ gʼaˬ˗ahˇ tehꞈ˗ehˇ “Baoˬ huiˬ˗eu Sahˬpaˬ Miˬyehˇ” lehˇ kuˇ taˬ˗euˬ meh. (Pah mehˬ˗eu 15:3) Teu miˇ neh, Miˬyehˇ miˇ tsaˬ heu siˬ˗ahˇ bi muiˬ daˆ laˇ ma lehˇ aˬ yawꞈ neh saˇ jaˇ dzaˬ taˬ˗euˬ loꞈ˗ehˇ jahˇ nya˗eu yaw duˬ baw meh. Jaˇliꞈ˗ahˇ “Miˬyehˇ maˬ jahˇ nya˗eu tiˬ jeˬ˗iˬ maˬ jaˆ˗a” lehˇ ehˇ taˬ˗euˬ meh.—Maꞈtehˬ 19:26.
Miˬyehˇ aˬ yawꞈ neh saˇ jaˇ dzaˬ taˬ˗euˬ loꞈ˗ehˇ mˇ nehˬ mawꞈ. Yaw jeˬ ma jeˬ, Yeˬhawˇbaˬ shiˇ dzeuˇ˗euˬ deuˬ˗ahˇ laˆ dehꞈ nehˬ mawꞈ dui dui˗eu meh.—Yawˇbaˆ 14:14, 15.
Jaˇliꞈ laꞈ kʼoeˇ Miˬyehˇ˗euˬ Zaˬmaˇ Yeˬsuˇ miˇ tsaˬ kʼoeˇ taˆ jawˇ ngeh, naˇ˗eu tsawˇ haˬ deuˬ˗ahˇ laˆ saˆ nehˬ˗euˬ gaˇ kawˆ boꞈ taˬ˗euˬ meh. Yeˬsuˇ aˬ jeˬ miˇ neh toˆ˗ehˇ jahˇ˗eu nga? Aˬ yawꞈ tsawˇ haˬ deuˬ˗ahˇ caw ba nehˬ mawꞈ˗eu miˇ neh meh. (Maˬkuˆ 1:40, 41) Yeˬsuˇ aˬ yawꞈ˗euˬ Aˬda loꞈ˗ehˇ duˇ ni shaˬ˗eu tsawˇ haˬ deuˬ˗ahˇ caw ba nehˬ mawꞈ˗eu meh.—Yoˇhaˬ 14:9.
Teu miˇ neh, Yeˬhawˇbaˬ hawˇ˗eu Yeˬsuˇ mehˬ hu paw aˬ dui˗ahˇ laˬ kʼaˬ tiˬ cehˇ dehꞈ nya ni caw ba nehˬ mawꞈ ngaˇ lehˇ aˬ dui jah ziꞈ nya meh.—Ja ceuˬ 72:12-14; 145:16; 2 Beˬtuˆluˆ 3:9.
Shaˇ noeˬ paˬ˗ehˇ gʼeh˗eu jeˬ
Miˬyehˇ miˇ tsaˬ˗ahˇ aˬ joˆ˗ehˇ bi muiˬ daˆ laˇ˗eu nga?
Jaˇliꞈ˗euˬ dawˬ kʼoꞈ, Maꞈtehˬ 6:9, 10 hawˇ˗eu Daˬyeˬlaˇ 2:44-ahˇ haw nya meh.