Shaˬ zahˬ maˬ paˇ jaˆ˗eu aˇ nah baw ngaˇ loˇ?

Jaˇliꞈ ehˇ˗eu

‘Aˬ yawꞈ maꞈ˗euˬ myaˆ biˇ dawˬ tawˆ luꞈ˗ahˇ Miˬyehˇ siˆ shawˇ nehˬ tehꞈ˗a. Shiˇ˗eu jeˬ maˬ paˇ jaˆ˗ehˇ, noeˬ shaˬ noeˬ zahˬ˗eu jeˬ, ngoeˇ˗eu jeˬ hawˇ˗eu, naˇ˗eu gawˇ˗eu jeˬ maˬ paˇ jaˆ meh.’—Pah mehˬ˗eu 21:3, 4.

Gaˇ kawˆ heu˗ahˇ siˬ nya˗eu, aˬ dui˗ahˇ gaˇ dahˇ aˬ joˆ˗ehˇ tsoeˬ˗eu nga?

Aˬ dui˗euˬ shaˬ zahˬ Miˬyehˇ neh bi pyeuꞈ laˇ˗euˬ maˬ ngeuˇ˗eu lehˇ jah ziꞈ nya.—Yaˬkoˆ 1:13.

Aˬ dui˗euˬ shaˬ zahˬ˗ahˇ Miˬyehˇ mawˇ luꞈ ngaˇ lehˇ ya siˬ˗euˬ gʼaˬ ahˇ laˇ.—Zaˬkaˬliˇ 2:8.

Shaˬ zahˬ dawˬ tawˆ luꞈ byoˆ˗iˇ jiˇ meh lehˇ noeˬ tmˬ nya.—Ja ceuˬ 37:9-11.

Jaˇliꞈ ehˇ gaˇ jah nya ngaˇ laˬ?

Jah nya˗eu yaw teˬ nyiˬ kawˆ jaˆ meh.

• Miˬyehˇ shaˬ˗eu zahˬ˗eu jeˬ hawˇ˗eu maˬ tsaˬ maˬ dawˇ˗eu jeˬ˗ahˇ bye. Jaˇliꞈ saˇ ka˗ahˇ Yeˬhawˇbaˬ Miˬyehˇ˗euˬ tsawˇ haˬ deuˬ maˬ tsaˬ maˬ dawˇ˗eu jeˬ˗ahˇ ya daˬ ngeh, Yeˬhawˇbaˬ˗ahˇ aˬ joˆ˗ehˇ gʼeh leˇ˗eu nga lehˇ shaˇ noeˬ haw sheˇ. Jaˇliꞈ laꞈ kʼoeˇ “kʼehˬ˗eu kʼaˆ˗eu jeˬ˗ahˇ aˬ yawꞈ maꞈ ya daˬ˗awˇ mahˇ luꞈ˗eu teˇ saˇ˗ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ˗ahˇ gʼawˬ shaˬ gaˬ˗euˬ meh” lehˇ ehˇ taˬ˗euˬ meh.—Yaˇkʼaˬdaˇ˗eu 2:18.

  Miˬyehˇ aˬ cawˬ˗ahˇ yaw doeˇ jahˇ˗eu deuˬ˗ahˇ bye˗eu meh. Yaw jeˬ ma jeˬ, Jaˇliꞈ˗ahˇ “maˬ bahˬ˗eu tsawˇ haˬ˗ahˇ sehꞈ˗eu aˬ laꞈ”˗ahˇ Miˬyehˇ bye˗eu meh lehˇ ehˇ taˬ˗euˬ meh.—Dawˬdaˬ 6:16, 17.

• Miˬyehˇ aˬ dui aˬ yawꞈ gʼaˬ yawꞈ˗ahˇ kʼahˬ lahˇ. Aˬ dui aˬ yawꞈ gʼaˬ yawꞈ tehꞈ˗ehˇ noeˬ ‘shaˬ noeˬ zahˬ˗eu jeˬ’˗ahˇ siˬ nya˗eu maˬ ngeuˇ˗a, Yeˬhawˇbaˬ kʼawꞈ siˬ nya meh.—2 Laˬsaˬbaˬ 6:29, 30.

  Gʼawˬ myahˇ maˬ gʼeh˗ehˇ Yeˬhawˇbaˬ aˬ yawꞈ˗euˬ Miˇkʼahˬ˗ahˇ zmˬ˗awˇ, aˬ yawꞈ gʼaˬ yawꞈ˗euˬ shaˬ zahˬ dawˬ tawˆ luꞈ˗ahˇ laˆ byoˆ jiˇ nehˬ˗eu meh. (Maꞈtehˬ 6:9, 10) Nymˬ˗mˇ kʼawꞈ, aˬ yawꞈ˗ahˇ nui ma dawˇ coe ni taˬ˗awˇ, leh jeh˗awˇ shaˇ poˆ luꞈ˗eu deuˬ˗ahˇ ngehˬ gʼeh nehˬ luꞈ˗eu meh.—Gʼaˬkʼehˇ 17:27; 2 Gawˇliˬtu 1:3, 4.