Miˬyehˇ Miˇkʼahˬ heu, aˬ jeˬ˗ahˇ ehˇ mawꞈ˗eu nga?

Jaˇliꞈ ehˇ˗eu

‘Mˬ taˆ Miˬyehˇ Miˇkʼahˬ tiˬ kʼahˬ beh tehꞈ˗a. Miˇkʼahˬ kʼoeˇ kʼahˬ˗aˬ, mˬ maˬ maˬ byaˆ zaˇ ziˇ ziꞈ˗eu Miˇkʼahˬ pyeuꞈ˗awˇ, aˬ cawˬ maˬ deuˆ gʼaˬ nya˗eu Miˇkʼahˬ meh.’—Daˬyeˬlaˇ 2:44.

“Aˬ dui˗ahˇ aˬ li tiˬ li biꞈ laꞈ˗euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ˗a.”—Iˇsaˬyaˇ 9:6.

Aˬ dui˗euˬ gʼaˇ duˬ aˬ jeˬ muiˬ˗eu nga?

• Tsaˬ˗eu dawˇ˗eu uˆ lahˇ˗eu aˇ maꞈ nawˬ˗euˬ gʼaˇ duˬ muiˬ ni mˇ nehˬ.—Iˇsaˬyaˇ 48:17, 18.

• Keuˆ le luꞈ˗eu miˇ shuiꞈ˗ahˇ maˬ naˇ maˬ gawˇ ni laˬ kʼaˬ tiˬ cehˇ ya jawˇ.—Pah mehˬ˗eu 21:3, 4.

Jaˇliꞈ ehˇ gaˇ jah nya ngaˇ laˬ?

Jah nya˗eu yaw teˬ nyiˬ kawˆ jaˆ meh.

• Miˬyehˇ Miˇkʼahˬ aˬ jeˬ jeˇ mˇ nehˬ le˗eu lehˇ Yeˬsuˇ aˇ baˇ baˇ mawˇ nehˬ yaꞈ. Yeˬsuˇ aˬ yawꞈ˗euˬ zaˬ lahˇ deuˬ˗ahˇ Miˬyehˇ Miˇkʼahˬ keuˆ le luꞈ˗uˇ, Miˬyehˇ nui kʼahˇ shiˇ˗eu jeˬ miˇ tsaˬ kʼoeˇ taˆ mˇ byah luꞈ˗uˇ lehˇ guiˬ lahˬ shaˇ lehˇ mehˬ yaꞈ˗euˬ meh. (Maꞈtehˬ 6:9, 10) Shaˇ dawˬ teu aˬ joˆ˗ehˇ byah laˇ˗eu lehˇ Yeˬsuˇ aˇ baˇ baˇ mawˇ nehˬ yaꞈ˗euˬ meh.

  Yeˬsuˇ miˇ tsaˬ kʼoeˇ taˆ jawˇ ngeh, mehꞈ˗eu deuˬ˗ahˇ bi dzaˬ˗awˇ, naˇ˗eu gawˇ˗eu deuˬ˗ahˇ laˆ saˆ nehˬ˗euˬ uˬ taꞈ, shiˇ dzeuˇ˗euˬ deuˬ˗ahˇ jiˇ laˆ dehꞈ nehˬ˗euˬ meh. (Maꞈtehˬ 15:29-38; Yoˇhaˬ 11:38-44) Mehˬ hu paw Miˬyehˇ Miˇkʼahˬ˗ahˇ Uˆ lahˇ˗eu gʼaˬ pyeuꞈ˗eu Yeˬsuˇ, Miˬyehˇ Miˇkʼahˬ muiˬ˗eu jeˬ aˬ jeˬ jeˇ mˇ nehˬ˗eu lehˇ mˇ mawˇ nehˬ yaꞈ˗euˬ meh.—Pah mehˬ˗eu 11:15.

• Nymˬ˗mˇ miˇ tsaˬ kʼoeˇ taˆ pyeuꞈ luꞈ˗eu jeˬ, Miˬyehˇ Miˇkʼahˬ keuˆ le shaw˗iˬ meh lehˇ bi siˬ. Yeˬsuˇ Miˬyehˇ Miˇkʼahˬ miˇ tsaˬ kʼoeˇ taˆ uˆ lahˇ le˗eu lehˇ gʼeh ngeh, miˇ tsaˬ kʼoeˇ taˆ guiˇ deuˆ˗eu jeˬ, mehꞈ˗eu shuꞈ˗eu jeˬ, miˇ luˆ luˆ˗eu jeˬ, heu deuˬ pyeuꞈ laˇ meh lehˇ maˬ keuˆ laˇ miˇ ehˇ taˬ˗euˬ meh.—Maꞈtehˬ 24:3, 7.

  Nymˬ˗mˇ iˬ nah Yeˬsuˇ neh ehˇ taˬ˗euˬ loꞈ˗ehˇ maˇ diˇ pyeuꞈ laˇ luꞈ gaˇ aˬ dui ya mawˇ˗euˬ ma. Teu miˇ neh, Miˬyehˇ Miˇkʼahˬ miˇ tsaˬ kʼoeˇ taˆ˗euˬ shaˬ zahˬ dawˬ tawˆ luꞈ˗ahˇ laˆ byoˆ le˗eu aˇ yamˬ peh laˇ shaw˗euˬ ngaˇ lehˇ aˬ dui jah nya meh.