Shiˇ˗euˬ tsawˇ haˬ paˇ gʼoꞈ dehꞈ laˇ nya meh loˇ?

Jaˇliꞈ ehˇ˗eu

“Tsawˇ muiˬ tsawˇ doeˇ dawˬ tawˆ luꞈ˗ahˇ shiˇ˗euˬ gaˇ paˇ bi gʼoꞈ dehꞈ laˇ tehꞈ˗a.”—Gʼaˬkʼehˇ 24:15.

Gaˇ kawˆ heu˗ahˇ ya siˬ˗euˬ, aˬ dui˗ahˇ gaˇ dahˇ aˬ joˆ˗ehˇ tsoeˬ˗eu nga?

Gaˬ˗eu gʼaˬ shiˇ nehˬ laꞈ ngeh, nui ma aˇ dzehˬ˗ehˇ maˬ bi cawˆ.—2 Gawˇliˬtu 1:3, 4.

Shiˇ˗eu jeˬ˗ahˇ aˇ dzehˬ˗ehˇ maˬ paˇ bi guˆ.—Heˬbyehˇ 2:15.

Shiˇ dzeuˇ˗euˬ yawˬ ha gaˬ˗eu deuˬ nehˬ˗ehˇ paˇ ya mawˇ kʼoꞈ meh lehˇ noeˬ tmˬ˗eu jeˬ bi jaˆ laˇ.—Yoˇhaˬ 5:28, 29.

Jaˇliꞈ ehˇ gaˇ jah nya ngaˇ laˬ?

Jah nya˗eu yaw teˬ smˬ kawˆ jaˆ meh.

• Miˬyehˇ dehꞈ ziˇ˗ahˇ Beh˗euˬ yaw sahˇ pyeuꞈ. Jaˇliꞈ laꞈ kʼoeˇ “tsawˇ haˬ dawˬ tawˆ luꞈ˗ahˇ dehꞈ˗eu jeˬ, saꞈ gʼawˇ nya˗eu jeˬ hawˇ˗eu yawˬ jeˬ na luꞈ biꞈ˗eu gʼaˬ˗aˬ” Yeˬhawˇbaˬ Miˬyehˇ meh lehˇ ehˇ taˬ˗euˬ meh. (Gʼaˬkʼehˇ 17:24, 25; Ja ceuˬ 36:9) Yeˬhawˇbaˬ Miˬyehˇ dehꞈ ziˇ˗ahˇ Beh˗euˬ yaw sahˇ pyeuꞈ˗eu miˇ neh, shiˇ dzeuˇ˗euˬ deuˬ˗ahˇ paˇ bi gʼoꞈ dehꞈ laˇ nya meh.

• Gaˇ hu Miˬyehˇ shiˇ˗euˬ tsawˇ haˬ tiˬ deuˬ˗ahˇ laˆ dehꞈ nehˬ haw. Jaˇliꞈ laꞈ kʼoeˇ Miˬyehˇ neh bi gʼoꞈ dehꞈ laˇ˗euˬ tsawˇ haˬ 8 gʼaˬ˗euˬ gaˇ kawˆ˗ahˇ boꞈ taˬ˗euˬ meh. Gʼoꞈ dehꞈ laˇ˗euˬ teu laꞈ kʼoeˇ, zaˬ guˬ tsawˇ mawˬ maˬ ehˇ, zaˬ yo aˬ li hawˇ˗eu zaˬ miˬ aˬ buˇ maˬ ehˇ, ahˇ˗eu meh. Tiˬ gʼaˬ na shiˇ˗euˬ tiˬ kʼehˬ naˇ gʼoꞈ dehꞈ laˇ˗awˇ, tiˬ gʼaˬ na naˇ shiˇ dzeuˇ˗euˬ 4 nah byah laˇ˗euˬ gaˇ gʼoꞈ dehꞈ laˇ˗euˬ meh.—Yoˇhaˬ 11:39-44.

• Miˬyehˇ shiˇ˗euˬ tsawˇ haˬ˗ahˇ teu loꞈ˗ehˇ paˇ laˆ dehꞈ nehˬ mawꞈ dui dui. Yeˬhawˇbaˬ shiˇ˗eu jeˬ˗ahˇ bye˗awˇ, shiˇ˗eu jeˬ˗ahˇ muiˇ˗eu gʼaˬ lehˇ haw˗eu meh. (1 Gawˇliˬtu 15:26) Miˬyehˇ shiˇ dzeuˇ taˬ˗euˬ deuˬ˗ahˇ bi gʼoꞈ dehꞈ laˇ˗awˇ, muiˇ˗eu gʼaˬ pyeuꞈ˗eu shiˇ˗eu jeˬ˗ahˇ laˆ cawˆ˗eu meh. Miˬyehˇ aˬ yawꞈ˗euˬ nui noeˬ laꞈ kʼoeˇ ahˇ˗eu shiˇ dzeuˇ taˬ˗euˬ deuˬ˗ahˇ bi gʼoꞈ dehꞈ laˇ˗awˇ, miˇ tsaˬ kʼoeˇ taˆ bi dehꞈ gʼeh mawꞈ dui dui˗eu meh.—Yawˇbaˆ 14:14, 15.