Maˇ maˇ ni naˇ miˇ tsaˬ heu siˬ˗ahˇ uˆ lahˇ luꞈ˗eu aˬ suˇ gʼaˬ nga?

Jaˇliꞈ ehˇ˗eu

“Miˇ tsaˬ zaˬ dawˬ tawˆ luꞈ Haiˬ dui dui˗eu Gʼaˬ uˆ lahˇ˗eu uˬ moˆ jawˇ luꞈ.”—1 Yoˇhaˬ 5:19.

“Miˬyehˇ˗euˬ Zaˬmaˇ oe˗euˬ meh. Nehꞈ sahˬ paˬ neh mˇ taˬ˗euˬ jeˬ˗ahˇ laˆ cawˆ˗eu gʼaˇ duˬ oe˗euˬ jeˬ pyeuꞈ˗eu meh.”—1 Yoˇhaˬ 3:8.

Gaˇ kawˆ heu˗ahˇ siˬ nya˗eu nawˬ˗ahˇ gaˇ dahˇ aˬ joˆ˗ehˇ tsoeˬ˗eu nga?

Miˇ tsaˬ kʼoeˇ taˆ˗euˬ shaˬ zahˬ aˬ gaˇ neh doˆ laˇ˗euˬ lehˇ ya siˬ.—Pah mehˬ˗eu 12:12.

Aˬ dui˗euˬ miˇ tsaˬ muiˬ daˆ laˇ˗eu lehˇ jah nya.—1 Yoˇhaˬ 2:17.

Jaˇliꞈ ehˇ gaˇ jah nya ngaˇ laˬ?

Jah nya˗eu yaw teˬ smˬ kawˆ jaˆ meh.

• Saˬdaˬ uˆ lahˇ˗eu aˇ yamˬ jiˇ˗eu keuˆ laˇ shaw. Yeˬhawˇbaˬ Saˬdaˬ˗ahˇ tsawˇ haˬ zaˬ˗ahˇ maˬ paˇ bi uˆ lahˇ meh. Aˬ yawꞈ “Nehꞈ sahˬ paˬ˗ahˇ laˆ luˬ laˆ seˇ”˗awˇ, Saˬdaˬ˗ahˇ neh pyeuꞈ laˇ˗euˬ shaˬ zahˬ dawˬ tawˆ luꞈ˗ahˇ laˆ byoˆ jiˇ ma lehˇ saˇ jaˇ dzaˬ taˬ˗euˬ meh.—Heˬbyehˇ 2:14.

• Mehˬ hu paw Yeˬhawˇbaˬ Yeˬsuˇ˗ahˇ miˇ tsaˬ˗ahˇ bi uˆ lahˇ. Yeˬsuˇ uˆ lahˇ˗eu jeˬ˗aˬ, yaw haiˬ yaw doeˇ jeˬ hawˇ˗eu, yawˬ ha˗euˬ gʼaˇ duˬ tehꞈ˗ehˇ shaˇ noeˬ˗eu jeˬ tehꞈ˗ehˇ byah˗eu Saˬdaˬ uˆ lahˇ˗eu jeˬ nehˬ˗ehˇ beu gaˇ dui dui˗eu meh. Miˬyehˇ Yeˬsuˇ uˆ lahˇ ngeh, ‘gʼaˬ baˬ˗eu deuˬ hawˇ˗eu shaˬ˗eu deuˬ˗ahˇ aˬ yawꞈ gʼawˬ shaˬ gaˬ˗awˇ, aˬ cawˬ kʼehˬ nehˬ kʼaˆ nehˬ˗awˇ yehˬ bawˬ˗ehˇ bi jahˇ˗eu deuˬ˗ahˇ aˬ yawꞈ ka kʼoꞈ nehˬ meh’ lehˇ saˇ jaˇ dzaˬ taˬ˗euˬ meh.—Ja ceuˬ 72:13, 14.

• Miˬyehˇ jaˬ myawꞈ maˬ myawꞈ nya˗a. Jaˇliꞈ laꞈ kʼoeˇ “Miˬyehˇ jaˬ myawꞈ maˬ myawꞈ” nya˗a lehˇ maˇ jawˆ ni ehˇ taˬ˗euˬ meh. (Heˬbyehˇ 6:18) Miˬyehˇ neh saˇ jaˇ kʼaˇ dzaˬ taˬ˗euˬ jeˬ, maˇ diˇ pyeuꞈ laˇ˗eu yaw duˬ baw meh. (Iˇsaˬyaˇ 55:10, 11) “Nymˬ˗mˇ miˇ tsaˬ heu˗ahˇ uˆ lahˇ luꞈ˗eu gʼaˬ bi teh dzeh meh.”—Yoˇhaˬ 12:31.