Nawˇ Jaˇliꞈ˗ahˇ aˬ joˆ˗ehˇ noeˬ nya?

Jaˇliꞈ ehˇ˗eu

‘Jaˇliꞈ dawˬ kawˬ dawˬ tawˆ luꞈ Miˬyehˇ neh bi noeˬ doˆ˗eu laꞈ kʼoeˇ boꞈ doˆ taˬ˗euˬ meh.’—2 Tiˆmoˇseˬ 3:16.

Jaˇliꞈ gaˇ dahˇ aˬ joˆ˗ehˇ tsoeˬ˗eu nga?

Dehꞈ ziˇ˗ahˇ taꞈ˗eu aˇ yeˇ huiˬ˗eu gaˇ kawˆ˗ahˇ dawˬ kʼoꞈ biꞈ.—Dawˬdaˬ 2:1-5.

Yawˬ nah na luꞈ yaw dehꞈ dehꞈ gaˇ sheuˬ gʼeh˗eu nui noeˬ nui duˇ ahˇ.—Ja ceuˬ 119:105.

Mehˬ hu paw jaˆ˗eu muiˬ dui dui˗eu noeˬ tmˬ˗eu jeˬ ehˇ nehˬ taˬ.—Loˇmaˆ 15:4.

Jaˇliꞈ ehˇ gaˇ jah nya ngaˇ laˬ?

Jah nya˗eu yaw teˬ smˬ kawˆ jaˆ meh.

• Jaˇliꞈ laꞈ kʼoeˇ˗euˬ gaˇ kawˆ deuˬ tiˬ gaˇ tsaˬ leˇ jiˇ. Jaˇliꞈ˗aˬ, tsawˇ haˬ 40 gʼaˬ ehˇ gʼaˬ ni boꞈ˗awˇ, aˇ yamˬ 1,600 kʼoꞈ dzehˬ ni boꞈ˗euˬ meh. Jaˇliꞈ boꞈ˗euˬ deuˬ myaˬ tiˬ paˆ tiˬ gʼaˬ tiˇ gʼaˬ maˬ siˬ maˬ mawˇ haw˗aˬ. Ehˇ kʼawꞈ aˬ yawꞈ maꞈ neh boꞈ˗euˬ gaˇ kawˆ deuˬ dmˬ lah ni gaˇ kawˆ daˬ ma hmˬ˗ahˇ ngehˬ keuˆ taˬ˗awˇ, aˬ yawꞈ tiˬ gaˇ tsaˬ leˇ jiˇ˗eu meh.

• Jaˇliꞈ boꞈ˗euˬ deuˬ gaˇ kawˆ deuˬ˗ahˇ kʼaˇ ngeuˇ˗eu loꞈ˗ehˇ dawˇ coe ni boꞈ taˬ. Gaˇ hu˗euˬ gaˇ kawˆ˗ahˇ boꞈ˗eu deuˬ aˬ myah myah naˇ, yawˬ ha tsawˇ jeuˬ˗euˬ yaw lehˬ˗ahˇ laˆ zaꞈ˗eu meh. Ehˇ kʼawꞈ Jaˇliꞈ boꞈ˗eu deuˬ naˇ, yawˬ ha˗euˬ yaw lehˬ˗ahˇ maˬ ehˇ, yawˬ ha tsawˇ jeuˬ˗euˬ yaw lehˬ˗ahˇ maˬ ehˇ, maˬ laˆ zaꞈ ni kʼaˇ ngeuˇ˗eu loꞈ˗ehˇ boꞈ taˬ˗euˬ meh.—2 Laˬsaˬbaˬ 36:15, 16; Ja ceuˬ 51:1-4.

• Jah coeˇ paˬ˗ehˇ gʼeh˗eu maˬ keuˆ laˇ miˇ ehˇ taˬ dawˬ ahˇ. Jaˇliꞈ˗ahˇ gaˇ hu˗euˬ Baˬbuˇloˬ meuˬ cawˆ iˇ˗eu gaˇ kawˆ 200 kʼoꞈ ehˇ huˬ taˬ˗euˬ meh. (Iˇsaˬyaˇ 13:17-22) Baˬbuˇloˬ meuˬ aˬ geu jeˬ lehˇ bi deuˆ dzaˬ˗eu gaˇ kawˆ˗ahˇ ehˇ nehˬ taˬ˗euˬ uˬ taꞈ, deuˆ dzaˬ laˇ˗eu gʼaˬ˗euˬ tsawˇ myahˇ jiˇ paˇ ehˇ nehˬ taˬ˗euˬ meh.—Iˇsaˬyaˇ 45:1-3.

  Jaˇliꞈ laꞈ kʼoeˇ˗euˬ maˬ keuˆ laˇ miˇ ehˇ taˬ dawˬ nui deuˬ jiˇ duꞈ yawˇ ni byah laˇ˗euˬ meh. Teu gaˇ haw ngeh, Jaˇliꞈ˗aˬ Miˬyehˇ˗euˬ dawˬ pyeuꞈ ngaˇ˗a lehˇ siˬ laˇ˗eu maˬ ngeuˇ nga loˇ?—2 Beˬtuˆluˆ 1:21.