Nymˇ jiˇ laꞈ kʼoeˇ laˬ kʼaˬ cehˇ ni aˬ joˆ˗ehˇ ya jahˇ˗eu nga?

Jaˇliꞈ ehˇ˗eu

“Miˬyehˇ˗euˬ dawˬ kawˬ˗ahˇ ya gaˬ˗awˇ mˇ caw˗eu deuˬ, maˇ diˇ laˬ kʼaˬ cehˇ meh.”—Luˇkaꞈ 11:28, Miˇ shuiꞈ dawˬ paˇ Jaˇliꞈ.

Jaˇliꞈ mehˬ˗eu loꞈ˗ehˇ mˇ caw naˇ, aˬ dui˗ahˇ gaˇ dahˇ aˬ joˆ˗ehˇ tsoeˬ nga?

Maˇ maˇ ni gaˬ˗eu jeˬ˗ahˇ ya mawˇ.—Eˇpeˇsu 5:28, 29.

Tiˬ gʼaˬ tiˇ gʼaˬ nui ma laꞈ kʼoeˇ neh yaw zeu baw.—Eˇpeˇsu 5:33.

Nymˇ jiˇ laꞈ kʼoeˇ mehˬ bawˬ gm˗awˇ lmˇ boˬ ni gʼeh.—Maˬkuˆ 10:6-9.

Jaˇliꞈ ehˇ gaˇ jah nya ngaˇ laˬ?

Jah nya˗eu yaw teˬ nyiˬ kawˆ jaˆ meh.

• Miˬyehˇ nymˇ jiˇ˗ahˇ dahˬ beh˗euˬ gʼaˬ pyeuꞈ. Jaˇliꞈ laꞈ kʼoeˇ Yeˬhawˇbaˬ Miˬyehˇ dahˬ beh˗euˬ nyiˬ dzeˇ zaˬ˗ahˇ bi dahˬ dzaˬ˗euˬ meh lehˇ ehˇ taˬ˗euˬ meh. (Aˇdahˬbeh˗eu 2:18-24) Teu gaˇ haw ngeh, nymˇ jiˇ yawˬ jiˇ na luꞈ˗ahˇ Yeˬhawˇbaˬ neh beh˗euˬ lehˇ siˬ laˇ˗eu meh. Gaˇ kawˆ heu˗ahˇ siˬ nya˗eu aˬ jeˬ miˇ neh aˇ yeˇ huiˬ˗eu nga?

  Shaˇ noeˬ haw sheˇ. Nawˇ kuiˇ dui dui˗eu gʼawˬ nyoeˇ tiˬ jeˬ˗ahˇ ya dzaˬ ngeh, gʼawˬ nyoeˇ teu˗ahˇ aˬ joˆ˗ehˇ jahˇ˗euˬ nga lehˇ siˬ nya mawꞈ naˇ, aˬ suˇ gʼaˬ˗ahˇ naˇ haˬ de? Gʼawˬ nyoeˇ teu jahˇ˗euˬ gʼaˬ˗ahˇ naˇ haˬ˗eu maˬ ngeuˇ laˬ?

  Teu gaˇ duˇ ni, nawˇ nymˇ jiˇ laꞈ kʼoeˇ laˬ kʼaˬ cehˇ ni aˬ joˆ˗ehˇ ya jahˇ˗eu lehˇ siˬ nya mawꞈ naˇ, nymˇ jiˇ˗ahˇ Dahˬ beh˗euˬ gʼaˬ pyeuꞈ˗eu Yeˬhawˇbaˬ˗ahˇ ya naˇ haˬ˗eu meh.—Aˇdahˬbeh˗eu 2:18-24.

• Miˬyehˇ nawˬ˗ahˇ gaˬ˗awˇ kʼahˬ lahˇ meh. Nymˇ jiˇ laꞈ kʼoeˇ˗euˬ deuˬ Yeˬhawˇbaˬ neh Jaˇliꞈ laꞈ kʼoeˇ mehˬ nehˬ taˬ˗euˬ jeˬ˗ahˇ mˇ caw naˇ, nymˇ jiˇ laꞈ kʼoeˇ laˬ kʼaˬ cehˇ˗eu meh. Aˬ jeˬ miˇ neh nga? Miˬyehˇ nawˬ˗ahˇ “ngehˬ gʼeh bo saˆ luꞈ˗eu” miˇ neh meh. (1 Beˬtuˆluˆ 5:6, 7) Yeˬhawˇbaˬ nawˬ˗ahˇ kʼahˬ lahˇ meh. Teu miˇ neh, aˬ yawꞈ neh mehˬ˗euˬ jeˬ aˬ myah luꞈ aˬ dui˗ahˇ gaˇ dahˇ tsoeˬ˗eu meh.—Dawˬdaˬ 3:5, 6; Iˇsaˬyaˇ 48:17, 18.