Tsaꞈ gaˬ˗eu gaˇ˗ahˇ zmˬ iˇ˗eu jeˬ | Miˬyehˇ gaˇ mˇ˗eu laꞈ kʼoeˇ laˬ kʼaˬ bi cehˇ dzehˬ laˇ
Aˬ dui˗euˬ mehˇ nmˇ deuˬ neh caw ba˗euˬ jeˬ˗ahˇ ha geuꞈ
Yeˬhawˇbaˬ aˬ dui˗ahˇ caw ba˗eu gʼaˇ duˬ, ‘Ka li˗ahˇ jah˗eu mehˇ nmˇ deuˬ’ biꞈ nehˬ laꞈ˗euˬ meh. (1 Beˬtuˆluˆ 5:9) Aˬ yawꞈ maꞈ aˬ dui Miˬyehˇ gaˇ mˇ ngeh yaw shaˬ nya lehˇ noeˬ˗eu jeˬ˗ahˇ laꞈ daˬ nya ni caw ba nehˬ˗eu meh. Yaw jeˬ ma jeˬ, gʼaˬ kʼehˇ Pawˇluˆ, Aˬguˇla hawˇ˗eu Biˇgiˇla, Siˬlaˆ, Tiˆmoˇseˬ hawˇ˗eu mehˇ nmˇ nuiˬ deuˬ neh caw ba˗euˬ jeˬ˗ahˇ neh gaˇ dahˇ tsoeˬ˗eu jeˬ za˗euˬ meh.—Gʼaˬkʼehˇ 18:1-5.
Mehˇ nmˇ deuˬ aˬ dui Miˬyehˇ gaˇ mˇ ngeh aˬ joˆ˗ehˇ caw ba nya˗eu nga? Aˬ yawꞈ maꞈ pyehˇ laˇ˗eu tsawˇ haˬ deuˬ˗ahˇ aˬ joˆ˗ehˇ ehˇ kʼoꞈ nehˬ˗eu lehˇ mehˬ nehˬ nya˗awˇ, aˬ dui gʼa kʼoꞈ iˇ ngeh maˬ ehˇ, Jaˇliꞈ mehˬ˗eu gaˇ kawˆ maˬ ehˇ, Jaˇliꞈ mehˬ nehˬ˗eu paw maˬ ehˇ, nui noeˬ nui duˇ biꞈ nehˬ nya meh. Aˬ dui˗ahˇ caw ba nya˗eu aˇ muˇ laꞈ kʼoeˇ˗euˬ tiˬ gʼaˬ na˗ahˇ shaˇ noeˬ haw˗awˇ caw ba˗eu jeˬ shaˇ. Aˬ dui heu loꞈ˗ehˇ jahˇ naˇ aˬ dui hawˇ˗eu aˬ yawꞈ jiˇ gaˇ dahˇ tsoeˬ˗eu jeˬ za˗awˇ, Miˬyehˇ gaˇ mˇ gaˇ jiˇ laˬ kʼaˬ cehˇ dzehˬ laˇ˗eu meh.—Piˇliˇpiˆ 1:25.
Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Yeˬhawˇbaˬ caw ba˗eu jeˬ˗ahˇ ha geuꞈ—Aˬ dui˗euˬ mehˇ nmˇ deuˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Niˇtaˬ, Jeꞈ˗ahˇ mehˬ bawˬ˗ahˇ bi oe˗eu gʼaˇ duˬ aˇ naˆ ni leh jeh˗awˇ cawˬ˗euˬ nga?
Aˬ dui Jaˇliꞈ mehˬ iˇ ngeh, mehˇ nmˇ deuˬ˗ahˇ aˬ jeˬ miˇ neh cawˬ paˬ˗ehˇ gʼeh˗eu nga?
Tsawˇ haˬ tiˬ gʼaˬ zaˬ lahˇ pyeuꞈ laˇ˗eu gʼaˇ duˬ, mehˇ nmˇ yawˬ gʼaˬ na luꞈ ya caw ba
Jeꞈ hawˇ˗eu aˬ piˬ aˬ jeˬ˗ahˇ ya leˇ˗eu nga?
Aˬ dui Miˬyehˇ˗euˬ gaˇ mˇ cawˬ deuˬ˗ahˇ neh aˬ jeˬ dzaw geuꞈ nya˗eu nga?