Jaˇliꞈ dzaw zaˬ˗ahˇ mehˬ bawˬ˗ahˇ laˇ ni caw ba nehˬ

Aˇ muˇ˗euˬ mehˬ bawˬ heu naˇ, aˇ yeˇ huiˬ˗eu muiˬ˗eu shawˇ˗eu uˬ duˬ tahˬ˗eu jeˬ pyeuꞈ meh. (Ja ceuˬ 22:22) Yeˬhawˇbaˬ˗ahˇ uˬ duˬ tahˬ laˇ˗euˬ yawˬ gʼaˬ na luꞈ, laˬ kʼaˬ cehˇ˗awˇ guiˬ lahˬ za˗eu meh. (Ja ceuˬ 65:4) Dzaw zaˬ deuˬ mehˬ bawˬ˗ahˇ aˬ myah luꞈ laˇ naˇ, huiˬ laˇ mahˇ laˇ˗eu yaw kawˇ meh.

Aˬ dui dzaw zaˬ deuˬ mehˬ bawˬ˗ahˇ laˇ ni aˬ joˆ˗ehˇ caw ba nehˬ nya˗eu nga? Tiˬ kʼehˬ maˬ taˬ cawˬ˗awˇ, Miˬyehˇ Miˇkʼahˬ Bawˬdzaˬnymˇ˗ahˇ nga maꞈ aˬ jeˬ jeˇ jahˇ˗eu nga? lehˇ ehˇ˗eu biˬdiˬoˬ bi haw. Kʼoeˇ naˇ, mehˬ bawˬ˗ahˇ oe naˇ aˬ jeˬ jeˇ gaˇ dahˇ tsoeˬ nga lehˇ ja nehˬ. (lff dzaw deuˆ 10) Aˬ dui mehˬ bawˬ˗ahˇ neh aˬ jeˬ jeˇ ya dzaw˗euˬ lehˇ ja nehˬ˗awˇ, nyaˆ taꞈ poˆ˗euˬ mehˬ bawˬ˗ahˇ aˬ jeˬ jeˇ gaˇ kawˆ ya siˬ nga lehˇ ehˇ nehˬ˗eu uˬ taꞈ, paˇ dmˬ aˬ geu dmˬ zmˬ˗eu lehˇ jiˇ ehˇ nehˬ nya meh. Kʼoeˇ naˇ aˬ yawꞈ maꞈ loˬ˗eu jeˬ caw ba nehˬ˗awˇ, mehˬ bawˬ˗ahˇ oe ngeh, tawˬ laˬ laˇ nya ma lehˇ jiˇ ehˇ nehˬ nya meh. Dzaw zaˬ deuˬ mehˬ bawˬ˗ahˇ oe dahˬ beh gaˇ ya mawˇ ngeh, aˬ dui neh leh jeh˗euˬ teu naˇ aˇ poeˬ baw ngaˇ lehˇ siˬ laˇ˗eu meh.—1 Gawˇliˬtu 14:24, 25.

Nawˬ˗euˬ Jaˇliꞈ dzaw zaˬ˗ahˇ mehˬ bawˬ˗ahˇ laˇ ni caw ba nehˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Niˇtaˬ, Jeꞈ, mehˬ bawˬ˗ahˇ laˇ ni aˬ geu ngeh cawˬ˗euˬ nga?

• 

  Aˬ dui dzaw zaˬ deuˬ mehˬ bawˬ˗ahˇ laˇ ngeh aˬ jeˬ miˇ neh laˬ kʼaˬ cehˇ˗eu nga?

• 

  Jeꞈ, mehˬ bawˬ˗ahˇ laˇ ngeh aˬ yawꞈ˗ahˇ aˬ joˆ˗ehˇ gʼeh leˇ˗euˬ nga?