Paru moko ma romo konyi pi nitimo sayusac

Program mir awiya

Junyodo gitie ku rwom ma lee mi ponjo awiya migi ging’ey Yehova. (Efe. 6:4) Pi nikonyo junyodo, dilo pa Yehova uwodho thiwiwec, video man wer dupa. Icopo tiyo kugi nenedi pi niponjo awiya peri?

• Mond i JW.ORG. I iye ibinwang’u piny ma juyiko pir awiya, niwacu video man karathasi ma giromo kiewo kunoke gikubo piny i wiye.a Pi ninwang’ugi, kiew “Awiya” kunoke “Aradu” kaka ma jutimo sayusac i iye.

• I ng’eye, ng’ii jamtic ma copo konyo awiya peri. Piny ma juwodho i thethiwiwec “Awiya,” copo konyi ninwang’u video, wer man karathasi m’iparu nia bikonyogi. Pi ninwang’ugi, say i thethiwiwec “Pi thier mi juruot.”

• Royiri zoo i lembene. Kud itii ku video kunoke karathasinegi kende kende pi nilangu wii awiya peri. Ento wec kugi iwi lembe ma n’i igi man konygi githey mer ma ceng’ini ku Yehova.