Gin ma copo konyi nipoy i kum giragora

Nyo saa moko ebedo iri tek nipoy i kum verse moko mi Biblia m’imaru lee? Eromo bedo verse ma juko cwinyi, ma konyi niriemo paru ma reco, kunoke m’ibemito ikony ko ng’atu mange. (Zab. 119:11, 111) Paru m’ulubo e copo konyi nipoy ma ber i kum giragora.

• Tii kud aplikasio JW Library^®. Mond i thenge m’uwacu: “Etude individuelle,” dii wi catégories, e icak nyinge nia “Giragora m’amaru.” Gwok giragora moko ci m’ibemito ipoy i kumgi i thenge maeno.

• Keth giragorane kaka m’icopo nene i iye. Kiew giragora m’imito ibed ipoy i kume iwi dund karathasi moko man kethe kaka m’icopo nene i iye wang’ ma pol. Jumoko gikethe i ng’et kiew ma gineno ko wang’gi, jumange ke gikethe i kum malumalu migi. Jumoko lundo gimaku cal mi giragorane man gitiyo kude ni cal m’i wang’ telefon kunoke ordinater migi.

• Yik dund karathasi moko ma nyathindho thindho. Kiew giragora i thenge acel, man wec mi giragorane ke i thenge mucelo. I ng’eye nen thenge ma giragora n’i iye man kepim nipoy i kum wec m’i iye. Dok ilok ng’ete ma wec mi giragorane n’i iye man kepim nipoy nia eca tie giragora ma kani.