Aradu​—Wuyab adundewu ni junyodo mwu

Pirang’o ukwayu ibed i ii ninyutho paru peri thwolo thwolo ni junyodo peri? (Rie 23:26) Pilembe Yehova umiyo igi tic mi gwoki man mi telo wii. (Zb 127:3, 4) Kan ibed ikanu igi lembe peri ceke man ibed imito ngo ging’ey amung’ peri, eno biketho konyi bidoko yot ungo igi. M’umedo maeno, ibikoso lembe dupa ma beco ma gikadhu kud i iye i kwo migi ma nwang’u gicopo nyutho iri. Dong’ nyo eno ubenyutho nia icopo gwoko ngo paru moko acel de iri giri? Kumeno ngo. Re ukwayu ngo iwond junyodo peri, kara kud gigen lembe ma tie vupo.​—Rie 3:32.

Dong’ icopo weco nenedi ku junyodo peri? Ng’ii saa ma copo bedo ber iri man igi bende. Ka kumeno copere ngo, iromo kiewo paru perine kadok i baruwa ni ng’atu acel m’i kindgi. Dong’ tek gibemito wuwec iwi lembe moko ma nwang’u in ibemito ngo nia wuwec i wiye kugi ke? Poy nia gibemito konyi akonya. Nen junyodo peri ni ju m’ubemito konyi ento ni judegi peri ngo. Kero ma ibetimo pi niweco ku junyodo peri thwolo thwolo bimiyo iri bero i dong’ kwo peri ceke man kadok kwo ma rondo ku rondo.​—Rie 4:10-12.

NEN VIDEO MA THIWIYE TIE KINDE M’ABINO NYANOK​—AROMO WECO NENEDI KU JUNYODO PARA? MAN I NG’EYE DWOK WANG’ PENJI M’ULUBO E:

• 

  Esther giku Partik ginyang’ i kum lembang’o i ng’eye i wigi gigi?

• 

  Lapor pa Yesu copo miyo iri ponji ma kani?

• 

  Junyodo peri ginyutho nenedi nia gibedieng’ piri?

• 

  Cik ma kani mir ukungu mi Biblia ma copo konyi niweco ku junyodo peri?