“እነሆኝ! እኔን ላከኝ!”

ኢሳይያስ ያሳየውን የፈቃደኝነት መንፈስ ልንኮርጅ ይገባል። ኢሳይያስ እምነት እንዳለው ያሳየ ሲሆን ዝርዝር ጉዳዮችን ባያውቅም እንኳ ተልዕኮውን በመቀበል ፈጣን ምላሽ ሰጥቷል። (ኢሳ 6:8) አናንተስ የመንግሥቱ ሰባኪዎች ይበልጥ ወደሚያስፈልጉበት ቦታ ሄዳችሁ ለማገልገል ስትሉ ሁኔታችሁን ማመቻቸት ትችሉ ይሆን? (መዝ 110:3) እርግጥ ‘ወጪያችሁን ማስላት’ ይኖርባችኋል። (ሉቃስ 14:27, 28) ሆኖም ለስብከቱ ሥራ ስትሉ መሥዋዕት ለመክፈል ፈቃደኛ ሁኑ። (ማቴ 8:20፤ ማር 10:28-30) ይበልጥ እርዳታ ወደሚያስፈልጋቸው ቦታዎች ሄዶ ማገልገል በተባለው ቪዲዮ ላይ ጎላ ተደርጎ እንደተገለጸው በይሖዋ አገልግሎት ስንካፈል የምናገኘው በረከት ከምንከፍለው ከየትኛውም መሥዋዕት ይበልጣል።

ቪዲዮውን ከተመለከታችሁ በኋላ በሚከተሉት ጥያቄዎች ላይ ተወያዩ፦

• የወንድም ዊሊያምስ ቤተሰብ አባላት ወደ ኢኳዶር ሄደው ለማገልገል ሲሉ ምን መሥዋዕቶችን ከፍለዋል?

• ቤተሰቡ ሄደው ማገልገል የሚፈልጉበትን ቦታ ሲመርጡ የትኞቹን ነገሮች ግምት ውስጥ አስገብተዋል?

• ምን በረከቶች አግኝተዋል?

• የመንግሥቱ ሰባኪዎች ይበልጥ ከሚያስፈልጉበት ቦታ ጋር የተያያዙ መረጃዎችን ማግኘት የምትችሉት ከየት ነው?

በሚቀጥለው ጊዜ የቤተሰብ አምልኮ ስታደርጉ በሚከተሉት ጥያቄዎች ላይ ተወያዩ፦

• በቤተሰብ ደረጃ አገልግሎታችንን ማስፋት የምንችለው እንዴት ነው? (km 8/11 4-6)

• የመንግሥቱ ሰባኪዎች ይበልጥ ወደሚያስፈልጉበት ቦታ ሄደን ማገልገል ባንችል እንኳ ያለንበትን ጉባኤ ይበልጥ መርዳት የምንችለው እንዴት ነው? (w16.03 23-25)