জীৱনৰ উদ্দেশ্য কি—আপুনি ইয়াক কেনেকৈ বিচাৰি পাব? ব্ৰচাৰখন বিতৰণ কৰিবলৈ পৰামৰ্শ আগবঢ়োৱা হৈছে
গৃহস্থজনক সম্ভাষণ জনোৱাৰ পিছত আপুনি হয়তো এইদৰে কʼব পাৰে:
“আজি জীৱনটোত সমস্যা আৰু বিফলতাৰে পূৰ্ণ হৈ আছে। আপুনি ভাবেনে যে, জীৱনটো এনেকুৱাই হোৱা আৱশ্যক? [উত্তৰৰ বাবে ক্ষন্তেক ৰওক।] এই ব্ৰচাৰখনত কৈছে যে মানৱজাতি আৰু এই পৃথিৱীৰ বাবে থকা ঈশ্বৰৰ উদ্দেশ্য এতিয়াও পূৰ্ণ হʼবলৈ বাকী আছে। [২০-২১ পৃষ্ঠাত থকা ছবিখন দেখুৱাই আলোচনা কৰক। তাৰ পিছত ৯ অনুচ্ছেদত দিয়া যিচয়া ১৪:২৪ আৰু ৪৬:১১ পদটো পঢ়ি আলোকপাত কৰক।] মই আপোনাৰ ওচৰলৈ পুনৰাই আহি ঈশ্বৰে পৃথিৱীত পৰমদেশ স্থাপন কৰাৰ বিষয়ে বাইবেলে কি কৈছে, সেই সম্পৰ্কে জনাবলৈ পাই আনন্দিত হʼম।” ব্ৰচাৰখন দিয়ক আৰু পুনৰ সাক্ষাতৰ বাবে ব্যৱস্থা কৰক।
পুনৰ সাক্ষাৎ কৰাৰ সময়ত আপুনি হয়তো এইদৰে কʼব পাৰে:
“যোৱাবাৰ মই আপোনাক মানৱজাতিয়ে পৰমদেশত চিৰকালৰ বাবে জীয়াই থাকিবলৈ কৰা ঈশ্বৰৰ এক উদ্দেশ্যৰ বিষয়ে কৈছিলোঁ। [পুনৰাই ২০-২১ পৃষ্ঠাত দিয়া ছবিখন দেখুৱাউক।] পৰমদেশৰ সম্পৰ্কে যীচু খ্ৰীষ্ট, পিতৰ আৰু দায়ূদে কি কৈছিল, সেই বিষয়ে লক্ষ্য কৰক।” গৃহস্থক তেওঁ ৰাখা ব্ৰচাৰখন আনিবলৈ কওক আৰু ২১-২২ পৃষ্ঠাৰ ১০-১৩ অনুচ্ছেদটো আলোচনা কৰক। বাইবেল অধ্যয়ন বা ২৯-৩০ পৃষ্ঠাত দিয়া এটা শিৰোনামাৰ পৰা আলোচনা কৰিবলৈ ব্যৱস্থা কৰক।
এজন কিশোৰ প্ৰকাশকে এইদৰে কʼব পাৰে:
“মোৰ বয়সৰ বহুতো কিশোৰে ভৱিষ্যতৰ বিষয়ে লৈ চিন্তিত হৈছে। ভৱিষ্যতে এই জগতৰ অৱস্থা উন্নতি হʼব বুলি আপুনি ভাবেনে? [উত্তৰৰ বাবে ক্ষন্তেক ৰওক।] বাইবেলত মানৱজাতিৰ বাবে এক উজ্জ্বল ভৱিষ্যতৰ বিষয়ে উল্লেখ কৰিছে। [ব্ৰচাৰখনৰ ৩১ পৃষ্ঠাত দিয়া দৃষ্টান্তটো দেখুৱাউক আৰু শিৰোনামাটো পঢ়ক। তাৰ পিছত ২ পিতৰ ৩:১৩ পদটো পঢ়ক।] মানৱজাতিৰ বাবে ঈশ্বৰে কেনে আশীৰ্ব্বাদ সাঁচি থৈছে, সেই বিষয়ে এই ব্ৰচাৰখনত বৰ্ণনা কৰা হৈছে। [ব্ৰচাৰখনৰ ২৯-৩০ পৃষ্ঠাত ডাঠ আখৰত দিয়া শিৰোনামাবোৰ আলোকপাত কৰক আৰু গৃহস্থক ব্ৰচাৰখন দিয়ক।] পৃথিৱীত হোৱা যুদ্ধবোৰৰ সমাপ্তি কৰিবলৈ ঈশ্বৰে কৰা প্ৰতিজ্ঞাৰ বিষয়ে মই আপোনাক জনাবলৈ পুনৰ সাক্ষাৎ কৰিম।” পুনৰ সাক্ষাৎ কৰিবলৈ ব্যৱস্থা কৰক।
পুনৰ সাক্ষাতৰ সময়ত আপুনি হয়তো এইদৰে কʼব পাৰে:
“যোৱাবাৰ মই আপোনাক এই পৃথিৱীখনত পৰমদেশ স্থাপন কৰিবৰ বাবে থকা ঈশ্বৰৰ উদ্দেশ্যৰ বিষয়ে চমুকৈ কৈছিলোঁ। [ব্ৰচাৰখনৰ ৩১ পৃষ্ঠাত দিয়া ছবিখন পুনৰাই দেখুৱাউক।] আজি হৈ থকা যুদ্ধবোৰক সমাপ্তি কৰিবলৈ কৰা ঈশ্বৰৰ প্ৰতিজ্ঞাৰ বিষয়ে আপোনাৰ মতামত কি, সেই বিষয়ে জানি মই অতি আনন্দিত হʼম।” গৃহস্থজনক ব্ৰচাৰখন আনিবলৈ কওক আৰু ২৯ পৃষ্ঠাৰ ৩-৬ অনুচ্ছেদ পঢ়ক আৰু আলোচনা কৰক। পুনৰ সাক্ষাৎ কৰি ৭-৮ অনুচ্ছেদটো আলোচনা কৰিবলৈ ব্যৱস্থা কৰক।
যেতিয়া কোনো কম বয়সীয়া লʼৰা বা ছোৱালীৰ সৈতে কাৰ্য্য কৰা হয়, তেতিয়া বয়সস্থজনে তেওঁলোকৰ পৰিচয় দি এইদৰে কʼব পাৰে:
“________ আপোনাক এখন ছবি দেখুৱাব আৰু বাইবেলৰ পৰা এটা শাস্ত্ৰ পদ পঢ়িব বিচাৰিছে। [লʼৰা বা ছোৱালীজনীয়ে ব্ৰচাৰখনৰ ৩১ পৃষ্ঠাৰ পৰা ছবিখন দেখুৱাই শিৰোনামাটো পঢ়ে আৰু তাৰ পিছত প্ৰকাশিত বাক্য ২১:৪ পদটো পঢ়ে।] বৰ্তমান সময়ত আমি সম্মুখীন হৈ থকা সমস্যাবোৰ সমাধান কৰিবলৈ ঈশ্বৰে কি কৰিব, এই বিষয়ে ব্ৰচাৰখনত বিতংকৈ বৰ্ণনা কৰা হৈছে। [ব্ৰচাৰখনৰ ২৯-৩০ পৃষ্ঠাত ডাঠ আখৰত দিয়া শিৰোনামাটোৰ পৰা চমুকৈ আলোকপাত কৰক।] মই আপোনাৰ ওচৰলৈ যেতিয়া পুনৰাই আহিম, তেতিয়া শাৰীৰিক সমস্যাবোৰৰ সমাধানৰ বিষয়ে বাইবেলে কি কৈছে, সেই বিষয়ে বৰ্ণনা কৰিম।”
পুনৰ সাক্ষাতৰ সময়ত বয়সস্থ প্ৰকাশকজনে হয়তো এইদৰে কʼব পাৰে:
“যোৱাবাৰ মই আপোনাক, বাইবেলে শাৰীৰিক সমস্যাবোৰ অন্ত কৰাৰ বিষয়ে কি কৈছে, সেই বিষয়ে জনাম বুলি কৈছিলোঁ। লক্ষ্য কৰক যে ইয়াত কি বৰ্ণনা কৰা হৈছে।” গৃহস্থক দিয়া ব্ৰচাৰখন আনিবলৈ কওক আৰু ২৯ পৃষ্ঠাৰ ৯-১৪ অনুচ্ছেদটো আলোচনা কৰক। এটা বাইবেল অধ্যয়ন বা ১৫-১৭ অনুচ্ছেদটো আলোচনা কৰিবলৈ পুনৰ সাক্ষাতৰ ব্যৱস্থা কৰক।