এপ্ৰিল ১-৭

• গীত ২৩:৩—‘ধৰ্ম্ম-পথ’ কি হয় আৰু এই পথত চলি থাকিবলৈ আমি কি কৰা উচিত? (w১১-HI ২/১৫ ২৪ ¶১-৩)

  উত্তৰ

• এই সপ্তাহৰ বাইবেল পাঠৰ পৰা আপুনি কি কি আধ্যাত্মিক ৰত্ন আগবঢ়াব বিচাৰে?

  উত্তৰ

ভেড়াবোৰে নিজৰ ৰখীয়াৰ মাত চিনি পাই আৰু তেওঁৰ পিছে পিছে যায়। কিন্তু অচিনাকী লোকৰ মাত শুনি তেওঁৰ ওচৰৰ পৰা পলাই যায়। (যোহ ১০:৫) ঠিক সেইদৰে, আমি আমাৰ ৰখীয়া যিহোৱা আৰু যীচুৰ মাত শুনোঁ। তেওঁলোক ভৰসাৰ যোগ্য আৰু তেওঁলোকে আমাক প্ৰেম কৰে। (গীত ২৩:১; যোহ ১০:১১) আমি অচিনাকী লোকৰ মাত নুশুনোঁ, যিসকলে “কল্পিত” কথা কৈ আমাৰ বিশ্বাস দুৰ্বল কৰিবলৈ চেষ্টা কৰে।—২পিত ২:২, ৩.

আদিপুস্তক ৩ অধ্যায়ত কোৱা হৈছে যে পৃথিৱীত কেতিয়া প্ৰথমবাৰ এজন অচিনাকী লোকৰ মাত শুনা গৈছিল। এই অচিনাকি ব্যক্তি আন কোনো নহয় চয়তান আছিল। সি নিজৰ পৰিচয় লুকুৱাই ৰাখিবলৈ এটা সাপৰ জৰিয়তে হৱাৰ লগত কথা পাতিলে। চয়তানে হৱাৰ লগত এজন বন্ধুৰ দৰে কথা পাতিলে। তেওঁ যিহোৱাৰ উদ্দেশ্যৰ ওপৰত প্ৰশ্ন তুলি কথাবোৰ প্ৰস্তুত কৰিলে। দুখৰ বিষয় যে হৱাই তেওঁৰ কথাৰ ওপৰত বিশ্বাস কৰিলে। পৰিণামস্বৰূপে, হৱাই নিজৰ আৰু নিজৰ পৰিয়ালৰ ওপৰত সমস্যা লৈ আহিল।

আজি চয়তানে যিহোৱা আৰু তেওঁৰ সংগঠনৰ বিষয়ে মিছা কথা আৰু ভুল তথ্যবোৰ বিয়পাই আছে যাতে যিহোৱা আৰু সংগঠনৰ ওপৰত থকা আমাৰ ভৰসা নাইকিয়া হৈ যায়। কিন্তু অচিনাকী লোকৰ মাত শুনাৰ লগে লগে আমি পলাই যোৱা উচিত। তেওঁলোকে কি কৈ আছে সেয়া শুনাও উচিত নহয়। কিয় বাৰু? চিন্তা কৰক, হৱাক ফুচলাবলৈ চয়তানে কিমান দেৰি কথা পাতিলে? (আদি ৩:১, ৪, ৫) কিন্তু যেতিয়া এজন ব্যক্তিয়ে যিহোৱাৰ সংগঠনৰ বিষয়ে কিবা ভুল কথা কʼব বিচাৰে, যাক আমি ভালদৰে চিনি পাওঁ, প্ৰেম কৰোঁ আৰু যাৰ উদ্দেশ্যও বেয়া নহয়, তেতিয়া আমি কি কৰিম?

“অচিনাকীৰ মাত” নুশুনিব ভিডিঅʼখন দেখুৱাওক। তাৰ পাছত শ্ৰোতাসকলক এই প্ৰশ্নবোৰ সোধক:

যেতিয়া গ্ৰেচৰ মাকে তাইক যিহোৱাৰ সংগঠনৰ বিষয়ে ভুল কথাবোৰ কʼবলৈ ধৰিলে, তেতিয়া তাই কি কৰিলে? ইয়াৰ পৰা আপুনি কি শিকিলে?