ঈশ্বৰৰ ৰাজ্য কি হয়?

পবিত্ৰ শাস্ত্ৰ বাইবেলে কি উত্তৰ দিয়ে

“স্বৰ্গৰ ঈশ্বৰে এক ৰাজ্য স্থাপন কৰিব; সেয়ে ​কেতিয়াও বিনষ্ট নহব।”—দানিয়েল ২:৪৪, পবিত্ৰ বাইবেল O.V. (Ref.)

“আমাক এটি পুত্ৰ দান কৰা হল; আৰু তেওঁৰ কান্ধত শাসনভাৰ অৰ্পিত হব।”—যিচয়া ৯:৬.

আপোনাৰ বাবে কি অৰ্থ ৰাখে

• এখন ধাৰ্ম্মিক চৰকাৰ, যি আপোনাক ব্যক্তিগতভাৱে উপকাৰ কৰিব।—যিচয়া ৪৮:১৭, ১৮.

• আহিবলগীয়া নতুন পৃথিৱীত আপুনি সুস্থ শৰীৰ আৰু সুখী জীৱন লাভ কৰিব।—প্ৰকাশিত বাক্য ২১:৩, ৪.

বাইবেলত উল্লেখ থকা বিষয়বোৰ আমি বিশ্বাস কৰিব পাৰোঁনে?

হয় পাৰোঁ। অন্তত দুটা কাৰণৰ বাবে:

• ঈশ্বৰৰ ৰাজ্যই কি কৰিব তাক যীচু খ্ৰীষ্টই দেখুৱালে। ঈশ্বৰৰ ৰাজ্য আহিবলৈ আৰু তেওঁৰ ইচ্ছা এই পৃথিৱীত পূৰ হʼবলৈ, যীচু খ্ৰীষ্টই শিষ্যসকলক প্ৰাৰ্থনা কৰিবলৈ শিকাইছিল। (মথি ৬:৯,১০) সেই প্ৰাৰ্থনাৰ উত্তৰ কেনেকৈ দিয়া হʼব তাক যীচুয়ে প্ৰদৰ্শন কৰি দেখুৱালে।

  এই পৃথিৱীত থকাৰ সময়ত যীচুয়ে ভোকাতুৰ লোকসকলক আহাৰ খুৱাইছিল, ৰোগীসকলক সুস্থ কৰিছিল আৰু মৃত লোকসকলক পুনৰ জীৱিত কৰিছিল! (মথি ১৫:২৯-৩৮; যোহন ১১:৩৮-৪৪) ঈশ্বৰৰ ৰাজ্যৰ ৰজা হিচাবে যীচুয়ে তেওঁৰ অধীনত থকা লোকসকলৰ বাবে ভৱিষ্যতে কি কৰিব, তেওঁ তাৰ এটা সুন্দৰ আৰ্হি দেখুৱালে।—প্ৰকাশিত বাক্য ১১:১৫.

• বৰ্তমানৰ পৰিস্থিতিয়ে প্ৰমাণ কৰে যে ঈশ্বৰৰ ৰাজ্য অতি সোনকালে আহিব। যীচুয়ে ভৱিষ্যতবাণী কৰিছিল যে ঈশ্বৰৰ ৰাজ্যই এই পৃথিৱীত শান্তি স্থাপন কৰাৰ আগতে, গোটেই পৃথিৱীজোৰি যুদ্ধ, আকাল আৰু ভূমিকম্প হʼব।—মথি ২৪:৩, ৭.

  এই ঘটনাবোৰ আজি আমি আমাৰ চাৰিওফালে দেখিবলৈ পাওঁ। গতিকে, আমি নিশ্চিত হʼব পাৰো যে অতি সোনকালে ঈশ্বৰৰ ৰাজ্যই এই সকলোবোৰ সমস্যা দূৰ কৰিব।