আপুনি ৰাজ্যৰ প্ৰচাৰ কাৰ্য্যত অধিক সময় অতিবাহিত কৰিব বিচাৰে নে?
১ যীচুৱে ঈশ্বৰৰ ৰাজ্যক এক বহুমূলীয়া সম্পদৰ সৈতে তুলনা কৰিছিল। (মথি ১৩:৪৪-৪৬) ঈশ্বৰৰ ৰাজ্যৰ বিষয়ে প্ৰচাৰ কৰাটোও এক বহুমূলীয়া কাৰ্য্য। যদিও এই কাৰ্য্যত কিছু পৰিমাণে আমাৰ আত্ম-বলিদান কৰাতো সন্মিলিত আছে, তথাপিও আমি এই পৰিচৰ্য্যা কাৰ্য্যক আমাৰ জীৱনত সকলোতকৈ প্ৰথম স্থান দিয়া আৱশ্যক। (মথি ৬:১৯-২১) এতেকে আপুনি ৰাজ্যৰ প্ৰচাৰ কাৰ্য্যত অধিক সময় অতিবাহিত কৰিব বিচাৰে নে?
২ এই আৱশ্যকতাসমূহক বিবেচনা কৰক: আমি ব্যক্তিগতভাৱে পৰিচৰ্য্যা কাৰ্য্যক বিস্তাৰ কৰিবলৈ হʼলে, কিছুমান প্ৰয়োজনীয় বিষয় মনত ৰখা আৱশ্যক: (১) ঈশ্বৰৰ ৰাজ্যৰ কাৰ্য্যক আপোনাৰ জীৱনত প্ৰথম স্থান দিবলৈ নিশ্চিত কৰক (মথি ৬:৩৩); (২) যিহোৱাক সম্পূৰ্ণ মন আৰু হৃদয়েৰে বিশ্বাস আৰু ভৰসা কৰক (২ কৰি. ৪:১, ৭); (৩) ঈশ্বৰৰ সহায় বিচাৰি একান্তমনে প্ৰাৰ্থনাত লাগি থাকক (লূক ১১:৮-১০); (৪) আমি প্ৰাৰ্থনা কৰা অনুসাৰি কাৰ্য্য কৰা আৱশ্যক।—যাকো. ২:১৪, ১৭.
৩ আমাৰ পৰিচৰ্য্যা কাৰ্য্যক বিস্তাৰিত কৰাৰ পদ্ধতিসমূহ: সকলোৱে প্ৰত্যেক মাহত নিয়মীয়াকৈ প্ৰচাৰ কাৰ্য্যত ভাগ লবলৈ কিছুমান আৱশ্যকীয় লক্ষ্য বনোৱা প্ৰয়োজন। কিন্তু আপুনি অনিয়মিতৰূপে প্ৰচাৰ কৰা সকলো পদ্ধতিত ভাগ লʼবলৈ আপোনাৰ উপস্থাপন অৰ্থপূৰ্ণৰূপে প্ৰস্তুত কৰি এক কাৰ্য্যকাৰী পুনৰ সাক্ষাতৰ দ্বাৰা গৃহ বাইবেল অধ্যয়ন কৰিবলৈও বিবেচনা কৰিছেনে? সহযোগী বা নিয়মিত অগ্ৰগামী অথবা যি ঠাইবিলাকত অধিক আৱশ্যকতা আছে তালৈ গৈ কাৰ্য্য কৰিবলৈ আপোনাৰ বাবে সম্ভৱনে? যদি আপুনি এজন বাপ্তিষ্মাপ্ৰাপ্ত ভাই, তেনেহʼলে সহায়ক সেৱক বা প্ৰাচীন হʼবলৈ নিজকে উপযুক্ত কৰিছেনে? (১ তীম. ৩:১, ১০) আপুনি মিনিচট্ৰীয়েল ট্ৰেইনিং স্কুলৰ বাবে আৱেদন কৰি পৰিচৰ্য্যা কাৰ্য্যক বৃদ্ধি কৰিব পাৰিবনে?—লূক ১০:২.
৪ উদাহৰণস্বৰূপে, পূৰ্ণ সময়ৰ চাকৰী কৰা আৰু খেলা-ধুলাত অধিক সময় অতিবাহিত কৰা এজন ভাইক নিয়মিত অগ্ৰগামীৰূপে সেৱা কৰিবলৈ আমন্ত্ৰণ কৰা হʼল। প্ৰথমতে তেওঁ সহযোগী অগ্ৰগ্ৰামী কৰিবলৈ আৰম্ভ কৰে আৰু পাছলৈ তেওঁ নিজৰ দৈনন্দিন তালিকাত সাল-সলনি কৰি পূৰ্ণ সময়ৰ পৰিচৰ্য্যা কাৰ্য্যত যোগ দিয়ে। পাছলৈ তেওঁ মিনিচট্ৰীয়েল ট্ৰেইনিং স্কুলত প্ৰশিক্ষণ লাভ কৰে আৰু ইয়ে তেওঁক এজন পৰিব্ৰাজক ওভাৰচিয়াৰূপে সেৱা কৰিবলৈ সহায় আগবঢ়ায়। তেওঁক দিয়া পৰামৰ্শ অনুসাৰে কাৰ্য্য কৰাৰ বাবে তেওঁ অতি আনন্দিত হৈছিল আৰু তেওঁ নিশ্চিত আছিল যে তেওঁ ৰাজ্যৰ কাৰ্য্য কৰিবলৈ লোৱা নিৰ্ণয়ে তেওঁক অধিক আনন্দ প্ৰদান কৰিব।
৫ যিসকলে পৰিচৰ্য্যা কাৰ্য্য কৰিবলৈ আগবাঢ়ি আহে যিহোৱাই নিশ্চয়ে তেওঁলোকক আশীৰ্ব্বাদ কৰিব। (যিচ. ৬:৮) এতেকে আপুনি পৰিচৰ্য্যা কাৰ্য্যক বৃস্তাৰিত কৰিবলৈ একোকেই বাধা হʼবলৈ নিদিব, কিয়নো এই কাৰ্য্যৰ দ্বাৰা অধিক সন্তুষ্টি আৰু সতেজতা লাভ কৰিব পাৰিব।