২০০৩ চনত হʼবলগীয়া যিহোৱাৰ সাক্ষীসকলৰ জিলা অধিৱেশনৰ বিষয়বস্তু হৈছে ‘ঈশ্বৰক মহিমা কৰা’
১ যিহোৱাই তেওঁৰ ভাৰসাযুক্ত ভৱিষ্যতবক্তা যিচয়াৰ দ্বাৰা এনেদৰে আদেশ দিছিল: “হে মোৰ প্ৰজাবিলাক, মোলৈ মন দিয়া, হে মোৰ লোকসমূহ, মোলৈ কাণ পাতা।” (যিচ. ৫১:৪) এই শেষ-কালৰ ভয়ঙ্কৰ সময়ত যিহোৱাৰ আজ্ঞাবোৰৰ প্ৰতি কাণ পাতা আগতকৈও অধিক গুৰুত্বপূৰ্ণ হৈছে বুলি আমি বিচাৰ নকৰোনে বাৰু? “কাণ পাতাৰ” এটা পদ্ধতি হৈছে উপাসনাৰ সম্বন্ধে একত্ৰিত হোৱা আজ্ঞাক পালন কৰা। আমাৰ বছেৰেকীয়া অধিৱেশনবোৰে আয়োজিত কৰা বিশেষ সুযোগৰ প্ৰতি আমি কেনেকৈ বাট চাওঁ! পুনৰাই যিহোৱাৰ সাক্ষীসকলৰ প্ৰশাসন গোষ্ঠীয়ে ২০০৩ চনত ভাৰতবৰ্ষত হʼবলগীয়া জিলা অধিৱেশনবোৰ আয়োজিত কৰিছে।
২ যোৱা বছৰ ভাৰতবৰ্ষত “উৎসাহী ৰাজ্যৰ প্ৰচাৰকসকল” নামৰ জিলা অধিৱেশনবোৰত ৩৩,৩৭২ জন উপস্থিত হৈছিল। এই সম্পৰ্কে ন খন জিলা অধিৱেশনত ৮০৭ জন লোকে বাপ্তিষ্মা লোৱাটো এক আনন্দদায়ক বিষয়। ইয়াৰ প্ৰতিনিধিসকলে অধিৱেশনে কৰা প্ৰবন্ধৰ দ্বাৰা অতিশয় উৎসাহিত হৈছিল। চাৰিখন চহৰত (চেন্নাই, কোচি, মুম্বাই আৰু ছেকেন্দ্ৰাবাদ) আয়োজিত কৰা অধিৱেশনৰ ভাই-ভনীসকলে বিভিন্ন ঠাইৰ পৰা অহা হাজাৰ হাজাৰ প্ৰতিনিধিসকলক চোৱা-চিতা কৰিছিল আৰু তেওঁলোকৰ বহুতে নিজৰ জীৱনত কাহানিও নেদেখা ইমান বৃহতমাত্ৰাত একত্ৰিত হোৱা লোকক দেখিবলৈ পাইছিল। নিশ্চই তাত উপস্থিত থকা প্ৰতিনিধিসকলে পৰস্পৰে সঙ্গতি কৰা আৰু আধ্যাত্মিক সতেজতা হোৱা অনুভৱ কৰিছিল। আমি তেনেধৰণৰ উৎসাহ দেখি প্ৰেমত আৰু সৎকৰ্ম্মত বৃদ্ধি হʼবলৈ উত্তেজিত হোৱা নাইনে বাৰু? নিঃসন্দেহ, আমি আনক এই অনুমোদিত সময়ত ঈশ্বৰক মহিমা কৰাবলৈ সুসজ্জিত আৰু প্ৰেৰিত হৈছোঁ।—২ কৰি. ৬:১, ২.
৩ যেনেকৈ ২০০৩ চনত হʼবলগীয়া জিলা অধিৱেশনৰ বাবে প্ৰস্তুত হʼম তেনেকৈ আমি আমাৰ ভাই-ভনীসকলৰ সৈতে পুনৰাই লগ পাবলৈ আৰু যিহোৱাই একত্ৰিত হʼবলৈ দিয়া সুযোগক ধন্যবাদ জনাবলৈ বাট চাই থাকিম। এতিয়া আয়োজিত কৰা অধিৱেশনোবোৰৰ পৰা সম্পূৰ্ণৰূপে লাভবান হʼবলৈ হʼলে আমি কি কৰিব পাৰোঁ?
৪ অধিৱেশনৰ গোটেই কেইদিন উপস্থিত থাকক: বিশ্বাসী বুদ্ধিমান দাসবৰ্গই প্ৰবন্ধ কৰা নিৰ্দ্দেশনাৰ পৰা সম্পূৰ্ণৰূপে লাভবান হʼবলৈ আমি গোটেই কেইদিনৰ কাৰ্য্যক্ৰমত উপস্থিত থকাটো নিশ্চিত কৰা উচিত। (মথি ২৪:৪৫) প্ৰত্যেকদিনা অধিৱেশনত উপস্থিত হʼবলৈ আপুনি আপোনাৰ কৰ্মস্থানৰ অধিকাৰীজনক ছুটিৰ বিষয়ে কোৱাটো আৱশ্যক নে? যিৰূচালেমলৈ গৈ বেৰবোৰৰ পুনৰনিৰ্ম্মাণ কৰা অনুমতি বিচৰাৰ উদ্দেশ্যৰে ৰজা অৰ্তক্ষেত্ৰৰ কাষ চপা আগেয়েই নহিমিয়াই “ঈশ্বৰৰ আগত প্ৰাৰ্থনা” কৰিছিল। (নহি. ২:৪) ঠিক সেইদৰে আপুনিও গোটেই কেইদিন অধিৱেশনত উপস্থিত থকা সম্বন্ধে ছুটি বিচাৰিবলৈ অধিকাৰীজনৰ কাষ চপাৰ আগেয়েই যিহোৱাৰ পৰা সাহস বিচৰা উচিত। তেন্তে কি, যদি অধিকাৰীজনে ছুটি দিবলৈ অমান্তি হয়? সম্ভৱতঃ তেওঁ হয়তো মান্তি হʼব পাৰে যদি আমি তেওঁক অধিৱেশনে আমাক সত্যবাদী, পৰিশ্ৰমী আৰু ভাৰসাযুক্ত হʼবলৈ শিক্ষা প্ৰদান কৰে বুলি কওঁ। ইয়াৰ উপৰিও যদি আমাৰ পৰিয়ালত অবিশ্বাসী ব্যক্তিসকল আছে তেন্তে তেওঁলোকক আগতীয়াকৈ ইয়াৰ বিষয়ে জনোৱাটো উচিত।
৫ থকা-মেলাৰ বাবে নতুন ব্যৱস্থা: বৃহৎ অধিৱেশনবোৰত উপস্থিত হʼবলগা হাজাৰ হাজাৰ ব্যক্তিসকলৰ বাবে থকা-মেলাৰ ব্যৱস্থা কৰা কোনো সহজ কথা নহয়। বহুতে হয়তো হোটেল আৰু সমূহীয়া শয়ন কক্ষবোৰত থাকিবলৈ ইচ্ছা কৰে। তেনে অৱস্থাত অধিৱেশনৰ ৰূমিং বিভাগে সহায় কৰিবলৈ পাই আনন্দিত হʼব। কিছুমান ক্ষেত্ৰত আমাৰ বহুতো ভাই-ভনীয়ে কম দামতে থাকিবলৈ নিজে ব্যৱস্থা কৰাটো পছন্দ কৰে।
৬ সকলোৰে বাবে থকা-মেলা ব্যৱস্থা আৰু ৰূমিং কাৰ্য্য-পদ্ধতিক সৰলীকৰণ কৰাৰ উদ্দেশ্যৰে শাখা কাৰ্য্যালয়ে ‘ঈশ্বৰক মহিমা কৰা’ নামৰ জিলা অধিৱেশনবোৰৰ বাবে নতুন ব্যৱস্থা হাতত লৈছে। এইবাৰ ৰূমিং বিভাগে আগতীয়াকৈ কোনো হোটেল বুকিং নকৰিব, কিন্তু যিসকলে নিজেই থকা-মেলা ব্যৱস্থা কৰিবলৈ ইচ্ছুক, তেওঁলোকক হোটেলবোৰৰ নাম আৰু দিনে কিমানকৈ ভাড়া দিব লাগিব তাৰ এখন লিষ্ট দিয়া হʼব। এই প্ৰবন্ধটো সমূহীয়া শয়ন কক্ষবোৰত থকা ভাই-ভনীসকলৰ বাবে প্ৰযোজ্য নহয়। তেওঁলোকে অধিৱেশনৰ ৰূমিং বিভাগৰ দ্বাৰা বুকিং কৰিব পাৰে।
৭ সমূহীয়া শয়ন কক্ষবোৰ: সাধাৰণতে হোটেল বুকিংৰ সম্বন্ধে থকা প্ৰথমখন লিষ্ট সকলোবোৰ মণ্ডলীয়ে এমাহ বা দুমাহৰ ভিতৰত পাব। যিসকলে সমূহীয়া শয়ন কক্ষবোৰত থাকিবলৈ বিচাৰে তেওঁলোকে যাতে উল্লেখ কৰা নিৰ্দ্দেশনাবোৰৰ সৈতে পৰিচিত হয়, তাৰ বাবে সেই লিষ্টখন অধিৱেশন ৰূমিং বিভাগে মণ্ডলীলৈ প্ৰেৰণ কৰিব।
৮ বিশেষ সহায়ৰ আৱশ্যকতা: বিশেষ সহায়ৰ আৱশ্যক হোৱাসকলক, তেওঁলোকৰ স্থানীয় মণ্ডলীয়ে সহায় কৰিব পাৰে। যিসকল প্ৰাচীন আৰু অন্য ভাই-ভনীয়ে তেনে ব্যক্তিবিলাকলৈ সহায় আগবঢ়াই, তেওঁলোক সঁচাকৈ প্ৰশংসনীয়। পূৰ্ণ সময়ৰ সেৱক, বৃদ্ধ, অসুস্থ আৰু দুখীয়া ব্যক্তিসকলক তেওঁলোকৰ গ্ৰুপৰ সৈতে ৰখাটো সন্মিলিত আছে। তদুপৰি যদি সম্ভৱ তেন্তে তেনে ব্যক্তিসকলক যোগাৰপাতি বা টকা-পইছাৰেও সহায় কৰাটো সন্মিলিত আছে। (যাকো. ২:১৫-১৭; ১ যোহ. ৩:১৮) আমি নিশ্চিত যে তেনেদৰে প্ৰেমময় চোৱা-চিতা কৰা নিৰন্তৰে চলি থাকিব। (যোহ. ১৩:৩৫) যিয়েই নহওক, অধিৱেশন ৰূমিং বিভাগে বিশেষ সহায়ৰ আৱশ্যকতা থকা ব্যক্তিসকলৰ বাবে থকা-মেলাৰ ব্যৱস্থা কৰিব, যিসকলে নিজেই বা তেওঁলোকৰ মণ্ডলীৰ ভাই-ভনীবিলাকে সহায় কৰিব নোৱাৰে। তেনে ব্যক্তিসকলে স্পেচেল নিডচ্ ৰূম ৰিকোৱেষ্ট ফৰ্মখন অধিৱেশন কৰ্ডিনেটৰৰ পৰা বিচাৰক আৰু নিজৰ পৰিস্থিতিৰ বিষয়ে জনাওক।
৯ কেৱল বিশেষ সহায়ৰ আৱশ্যকতা হোৱা ব্যক্তিসকলে সেই ফৰ্মখন ব্যৱহাৰ কৰা উচিত। তেওঁলোকে ফৰ্মখন লিখি পুনৰাই অধিৱেশন কৰ্ডিনেটৰ জনক উভটাই দিয়া উচিত যাতে প্ৰমাণকৰণ আৰু ঠিকমতে লিখিছে নে নাই, তাক তেওঁ নিৰীক্ষণ কৰিব পাৰে। তেওঁ ফৰ্মখন অধিৱেশনৰ ৰূমিং বিভাগলৈ পঠিয়াব যদিও সেই বিভাগে ব্যক্তিজনক বা সকলক পোনপটীয়াকৈ জনাব। তেওঁলোকৰ পৰিস্থিতিৰ অনুসাৰে ব্যক্তিগত ঘৰ আৰু হোটেলৰ ব্যৱস্থা কৰা হʼব। অনুগ্ৰহ কৰি মনত ৰাখক যে এনে ধৰণৰ ব্যৱস্থা কেৱল তেনে ব্যক্তিসকলৰ বাবে উপলব্ধ আছে যিসকলৰ আৰ্থিক অৱস্থা ভাল নহয়। তথাপিও তেওঁলোকে ছুটি বা অন্যান্য কামৰ বাবে টকা-পইছা বচোৱা উদ্দেশ্যৰে তাত থকা নাই। তদুপৰি জিলা অধিৱেশনৰ বাবেহে ব্যক্তিগত ঘৰবোৰৰ যোগান ধৰা হৈছে। কিন্তু অধিৱেশনৰ পিছত ভাইবিলাকৰ ঘৰত অতিৰিক্ত কেইদিনমান থাকি ছুটিৰ আনন্দ উপভোগ কৰাটো উচিত নহয়।
১০ অন্য ঠাইত হোৱা অধিৱেশনত উপস্থিত হোৱা: যদি আপুনি নিযুক্ত কৰা অধিৱেশনৰ সলনি অন্য এখন ঠাইত উপস্থিত হʼবলৈ আৰু থাকিবলৈ বিচাৰিছে তেন্তে অনুগ্ৰহ কৰি মণ্ডলীৰ চেক্ৰেটাৰীজনক জনাওক। তেওঁ জিলা অধিৱেশনৰ মূখ্য কাৰ্য্যালয়বোৰৰ ঠিকনাৰ বিষয়ে আপোনাক কব পাৰিব। আপোনাৰ আৱেদনৰ বিষয়ে সঠিক ঠিকনালৈ চিঠি লিখি জনাওক। লগতে, এখন টিকট লগোৱা এনভেলপৰ ওপৰত নিজা ঠিকনা লিখি পঠিয়াবলৈ নাপাহৰিব। সেই চহৰৰ ৰূমিং বিভাগে হোটেলবোৰৰ নাম আৰু দিনে কিমানকৈ ভাড়া হʼব, তাৰ এখন আচহুৱা লিষ্ট আপোনালৈ পঠিয়াব।
১১ আমি কৌতুকৰ পাত্ৰ হৈছোঁ: লোকসকলে যিহোৱাৰ সাক্ষী আৰু জগতৰ লোকসকলৰ মাজত ভিন্নতা দেখিবলৈ পাইছেনে? নিশ্চই দেখিবলৈ পাইছে। তথাপিও কেইবাৰো হোটেলৰ মেনেজাৰসকলে অধিৱেশনৰ প্ৰতিনিধিবিলাকে বুকিং সম্বন্ধে সত্যবদ্ধতা নোহোৱা বা অতিৰিক্ত সা-সুবিধা দাবী কৰে বুলি আৰোপ লগাইছিল। কিছুমানে ভৱিষ্যতে যিহোৱাৰ সাক্ষীসকলক অধিৱেশনৰ বাবে হোটেলত ৰূম নিদিব বুলি প্ৰতিক্ৰিয়া দেখুৱাইছিল। ইয়াৰ অৰ্থ হৈছে আমাৰ কিছুমানে ঈশ্বৰৰ নামক অপমান কৰিছে আৰু আনৰ চকুত পৰিছে।
১২ কিন্তু সৰহভাগ হোটেলৰ মেনেজাৰসকলে আমাৰ বিষয়ে শলাগ লৈছিল। এখন চহৰৰ মেনেজাৰজনে এইদৰে কৈছিল: “আমাৰ সদায়েই অধিৱেশনবোৰৰ সৈতে সম্পৰ্ক হৈছিল কিন্তু আপোনালোক সচাঁকৈ নম্ৰ আৰু মিলিত স্বভাৱৰ লোক।” “যোৱা সপ্তাহত অন্য এক ধৰ্ম্মীয় গ্ৰুপ আমাৰ হোটেলত থাকিবলৈ আহিছিল। কিন্তু তেওঁলোকৰ তুলনাত আপোনালোক সম্পূৰ্ণ বেলেগ।” “আমি জানো যে আপোনালোকৰ পৰা সদায়েই সহযোগিতা পাম।” এনেধৰণৰ মন্তব্যই আমাক “ওপৰৰ পৰা অহা জ্ঞানে” কেনেকৈ আমাৰ ব্যক্তিত্বত প্ৰভাৱ পেলাইছে, তাক বুজিবলৈ সহায় নকৰেনে বাৰু? (যাকো. ৩:১৭) যিহেতু “মানুহবিলাকৰো আগত আমি কৌতুকৰ পাত্ৰ হৈছোঁ,” গতিকে আঁহক আমি সকলো সময়তে নিজৰ আচৰণৰ দ্বাৰা যিহোৱা ঈশ্বৰৰ নাম গৌৰৱান্বিত কৰোঁহঁক।—১ কৰি. ৪:৯.
১৩ যিহেতু “এই সংসাৰৰ আকাৰ-প্ৰকাৰ অতীত হʼব লাগিছে,” গতিকে আধ্যাত্মিকভাৱে জাগ্ৰত হৈ থাকিবলৈ আমাক জিলা অধিৱেশনবোৰত উপস্থিত থকা অতি আৱশ্যক। (১ কৰি. ৭:৩১) অধিৱেশনৰ গোটেই কেইদিন উপস্থিত থাকিবলৈ আমি অনেক সাল-সলনি কৰা আৱশ্যক। কিন্তু তেনে পৰিশ্ৰম ব্যৰ্থ নহয়। এই বছৰৰ ‘ঈশ্বৰক মহিমা কৰা’ জিলা অধিৱেশনে, আমাক এই জগতৰ ওপৰত অহা যিহোৱাৰ সোধ-বিচাৰৰ দিনলৈকে দৃঢ় হৈ থকা সম্বন্ধে সহায় কৰিবলৈ প্ৰস্তুত কৰা হৈছে। গতিকে আঁহক আমি যিহোৱাৰ পৰা অহা এই নিৰ্দ্দেশনা পাবলৈ একোকে বাধা হʼবলৈ নিদিওঁহঁক।—যিচ. ৫১:৪, ৫.
[Box on page 3]
কাৰ্য্যক্ৰমৰ আৰম্ভ আৰু শেষ হোৱাৰ সময়
শুক্ৰবাৰ আৰু শনিবাৰ
ৰাতিপুৱা ৯:৩০ পৰা বিয়লি ৫:০০ বজালৈ।
দেওবাৰ
ৰাতিপুৱা ৯:৩০ পৰা বিয়লি ৪:৫০ বজালৈ।