“বাক্য পালন কৰোঁতা হোৱা” যিহোৱা সাক্ষীসকলৰ জিলা অধিৱেশন
১ “মই মহা-সমাজত তোমাৰ ধন্যবাদ কৰিম, অধিক লোকসমূহৰ মাজত তোমাৰ প্ৰশংসা কৰিম।” (গীত. ৩৫:১৮) কল্পনা কৰক আজিৰ সময়ত হাজাৰ হাজাৰ লোকে ঈশ্বৰীয় পথ-প্ৰৰ্দশন লবলৈ সন্মিলনবোৰত একত্ৰিত হোৱা দেখি দায়ুদে কিমান আচৰিত হʼলহেঁতেন! ১৯৯৯ চনৰ নৱেম্বৰ মাহৰ মাজ ভাগৰ পৰা ২০০০ চনৰ জানুৱাৰী মাহৰ প্ৰথম সপ্তাহলৈকে ভাৰতত সৰ্বমূঠ ২৭ খন জিলা অধিৱেশন হৈছিল। “ঈশ্বৰৰ ভৱিষ্যতসূচক বাক্য” জিলা অধিৱেশনত উপস্থিত হোৱা ৩০,৪৬২ জনৰ মাজত আপুনিও এজনে? ঠিক সেইদৰে আহিবলগীয়া জিলা অধিৱেশনৰ বিষয় হৈছে “বাক্য পালন কৰোঁতা হোৱা।” যি অধিৱেশন এই বছৰৰ শেষ ভাগত পাতিবলৈ আচঁনি তৈয়াৰ কৰা হৈছে। যিসকল “আত্মাত দৰিদ্ৰ” আৰু “মণ্ডলীবিলাকলৈ আত্মাই যি কথা কৈছে” তাক শুনিবলৈ আগ্ৰহী আৰু আনন্দিত, তেনে যিহোৱাৰ উপাসকসকলৰ সৈতে একগোট হৈ ভাগ লবলৈ এই অধিৱেশনে আমাৰ বাবে এক নতুন সুযোগ কঢ়িয়াই আনিব।—মথি ৫:৩; প্ৰকা. ২:২৯.
২ থকা-মেলাৰ বাবে ব্যৱস্থা: যি স্থানত অধিৱেশনৰ আয়োজন কৰা হয় সেই ঠাইত থকা-মেলাৰ বাবে ব্যৱস্থা কৰিবলৈও প্ৰত্যেক অধিৱেশনত এটা ৰূমিং বিভাগ থাকে। আপুনি থকা-মেলাৰ ব্যৱস্থাৰ বাবে আগতীয়াকৈ আচঁনি তৈয়াৰ কৰক। ইয়াৰ বাবে, মণ্ডলীৰ চেক্ৰেটাৰীৰ পৰা ৰূম আৱেদন পত্ৰ লৈ তাত উল্লেখ কৰা আৱশ্যকতাসমূহক সঠিকৈ ভৰ্ত্তি কৰক। তাৰ পাছত সেইখন আপোনাৰ মণ্ডলীৰ চেক্ৰেটাৰীক দিয়ক যাতে তেওঁ আপুনি উপস্থিত হʼব লগা অধিৱেশনৰ মূখ্য কাৰ্য্যালয়লৈ পঠিয়াব পাৰে। ইয়াতে এটা কথা মনত ৰাখিলে ভাল হʼব যে আপুনি আপোনাৰ আৱেদন পত্ৰখনৰ সৈতে নিজৰ ঠিকনা লিখি ডাক-টিকট লগোৱা এটা এনভেলপ পঠিয়াই যেন। আপুনি উপস্থিত হʼবলগীয়া নগৰখনত যদি এখনতকৈ অধিক অধিৱেশন আয়োজন কৰা হৈছে তেনেহʼলে আপুনি উল্লেখ কৰক যে বিষেশকৈ কোনখন অধিৱেশনত উপস্থিত হʼব।
৩ বৃদ্ধ লোক আৰু বিশেষ আৱশ্যকতা থকা লোকৰ তত্ত্বাৱধান লওঁক: বৃদ্ধ ব্যক্তিসকল বা আন বিশেষ আৱশ্যকতা থকা লোকৰ আপাত কালীন অৱস্থাৰ বিষয়ে যিসকল সমন্ধীয় ব্যক্তি, প্ৰাচীন আৰু মণ্ডলীৰ অন্য ভাইসকলে জানে তেওঁলোকে সেই বৃদ্ধ লোকসকল আৰু বিশেষ আৱশ্যকতা থকা লোকসকলক অধিৱেশনত উপস্থিত হʼবলৈ নিজৰ সহায় আৰু তত্ত্বাৱধান আগবঢ়াব পাৰে। (১ তীমথিয় ৫:৪ তুলনা কৰক।) তেওঁলোকক এনে সুবিধাজনক স্থানত বহিবলৈ ব্যৱস্থা কৰাওঁক যি স্থানত বহি সম্পূৰ্ণৰূপে কাৰ্য্যক্ৰমৰ আনন্দ লাভ কৰিব পাৰে। যদি কোনো ভাই বা ভনীয়ে স্বইচ্ছাৰে তেওঁলোকক সহায় কৰে তেনেহʼলে কিযে উত্তম হʼব। তেওঁলোকে বৃদ্ধসকলৰ আহাৰ বা পানী খোৱা, বা প্ৰস্ৰাৱগাৰলৈ লৈ যোৱাত সহায় কৰিব পাৰে। প্ৰত্যেক ব্যক্তিয়ে নিজৰ সহায় আগবঢ়োৱাৰ দ্বাৰা এই বৃদ্ধ লোকসকল বা বিশেষ আৱশ্যকতা থকা লোকসকলক চোৱা-চিতা কৰা সমন্ধীয় ব্যক্তি বা মণ্ডলীৰ প্ৰচাৰকক সহায় কৰিব পাৰে, যাতে তেওঁলোকে কাৰ্য্যক্ৰমৰ পৰা আনন্দ লাভ কৰিবলৈ সুযোগ পায়।
৪ অধিৱেশনৰ গোটেই কেইদিন উপস্থিত থাকিবলৈ পৰিকল্পনা কৰক: আধ্যাত্মিক বিষয়সমূহৰ পৰা আপোনাৰ মনোযোগ আতঁৰাবলৈ চয়তানে চেষ্টা কৰিছেনে? দুখৰ বিষয় এই যে, বহুতো ভাই, ভনী আৰু তেওঁলোকৰ পৰিয়ালে সেই গুৰুত্বপূৰ্ণ আধ্যাত্মিক আহাৰ লোৱাৰ পৰা বঞ্চিত থাকে। কেনেকৈ? তেওঁলোকৰ বহুতে অধিৱেশনৰ শুক্ৰবাৰ দিনা কাৰ্য্যক্ৰমত উপস্থিত নথকাৰ দ্বাৰা। ইয়াৰ উপৰিও কিছুমান ক্ষেত্ৰত দেখা গৈছে যে অধিক সংখ্যক ভাইসকলে শুক্ৰবাৰ দিনা প্ৰস্তুত কৰা আধ্যাত্মিক পৰামৰ্শ আৰু সঙ্গতিৰ পৰা বিৰত থাকে।
৫ এইটো সম্ভৱ যে অধিৱেশনত উপস্থিত হʼবলৈ ছুটিৰ বাবে কৰা কিছুমান ভাইৰ আৱেদনক নাকচ কৰিব পাৰে। আপোনাৰ ক্ষেত্ৰতো সেই একেদৰে হৈছেনে? যিহোৱালৈ প্ৰাৰ্থনা কৰি আপোনাৰ পৰিস্থিতিৰ বিষয়ে মেনেজাৰক বৰ্ণনা নকৰে কিয়? এই বিষয়ে নহিমিয়াৰ কথা স্মৰণ কৰক, তেৱোঁ সেই একেই পৰিস্থিতিৰ সন্মূখীন হʼবলগীয়া হৈছিল। কিন্তু তেওঁ ৰজাক নিৱেদন কৰাৰ ফলস্বৰূপে ভাল প্ৰতিফল পাইছিল। (নহি. ২:১-৬) যদি আপুনি যিহোৱাৰ ৰাজ্যক প্ৰথম স্থান দি এই সকলোবোৰ বিষয়ে স্বৰ্গীয় পিতৃৰ ওপৰত ভাৰসা ৰাখে, তেওঁ নিশ্চয়ে আপোনাক স্বইচ্ছাৰে সহায় কৰিব। তাৰ উপৰিও, তেওঁ আমাৰ জীৱনৰ সকলোবোৰ আৱশ্যকতাৰ যোগান ধৰিব।—মথি ৬:৩২খ, ৩৩.
৬ অধিৱেশনে আপোনাক কেনেকৈ প্ৰভাৱিত কৰে? যুক্ত ৰাষ্ট্ৰৰ পূব ভাগত থকা এজনী ভনীয়ে এইদৰে লিখিছে: “১৯৯৯ চনৰ জিলা অধিৱেশনৰ বাবে আপোনালোকক বহুত ধন্যবাদ জনাইছোঁ। যিসকল ভাইক মই প্ৰতি বছৰত এবাৰহে লগ পাওঁ তেওঁলোকৰ সঙ্গতিয়ে মোক অতি আনন্দিত কৰি তুলে। মই কিশোৰী অৱস্থাত গৰ্ভৱতী থকা সময়ত সত্যৰ বিষয়ে শিকিবলৈ পাওঁ। মই সেই মুহূৰ্ত্তক এতিয়াও অতি আগ্ৰহেৰে স্মৰণ কৰোঁ যেতিয়া মোৰ বাইবেল অধ্যয়নৰ পৰিচালকে মোক প্ৰথম বাৰৰ বাবে অধিৱেশনলৈ লৈ যায়। যেনেকৈ আমি ‘হাজাৰ হাজাৰ ভাই’ গীতটো গাওঁ, সেই খোলা ষ্টেডিয়ামৰ ডাৱৰবোৰলৈ চাই মোৰ চকুলো বাগৰি পৰে। মই নিজকে প্ৰশ্ন কৰোঁ, ‘মোৰ চাৰিওফালে থকা এই মৰমীয়াল লোকসকলৰ মাজত যিহোৱাই মোক কেনেদৰে গ্ৰহণ কৰিব?’ সেই দিনাই মই যিহোৱাক পূৰ্ণৰূপে সেৱা কৰিবলৈ সিধান্ত লওঁ।” কিযে হৃদয়স্পৰ্শী অনুভৱ! সচাঁকৈ যিহোৱাৰ শুদ্ধ লোকসকলৰ সৈতে সঙ্গতি কৰি আমি আনন্দ লাভ কৰোঁ; নহয় নে বাৰু?
৭ অন্তিম দিনৰ শেষ ভাগত থকাৰ কাৰণে, আমাৰ বাবে বছৰেকীয়া জিলা অধিৱেশনৰ আৱশ্যকতা আগতকৈও অধিক হৈ পৰিছে। সেইবাবে যিহোৱাই আমাৰ আধ্যাত্মিকত সুস্থতা আৰু ভাৰসাম্যতা বজাই ৰাখিবলৈ এই অধিৱেশনৰ আয়োজন কৰিছে। সেইবাবে এই বছৰৰ “বাক্য পালন কৰোঁতা হোৱা” জিলা অধিৱেশনত গোটেই কেইদিন উপস্থিত থাকিবলৈ দৃঢ়সঙ্কল্প হওঁক। আপুনি নিজৰ দৃঢ়সঙ্কল্পৰ অনুসৰি কেনেকৈ কাৰ্য্য কৰিব পাৰে? অধিৱেশনৰ গোটেই কেইদিন উপস্থিত থাকিবলৈ আপোনাৰ কাৰ্য্যালয়ৰ মেনেজাৰলৈ আগতীয়াকৈ ছুটিৰ বাবে আৱেদন কৰক। যদি আপোনাৰ উপাৰ্জন সীমিত, তেনেহʼলে এতিয়াৰে পৰা কিছু আৱশ্যকীয় ধন বেলেগে ৰাখিবলৈ আৰম্ভ কৰক যাতে আপুনি অধিৱেশনত উপস্থিত হʼব পাৰে। আহিবলগীয়া যিকোনো বাধাৰ সন্মূখীন হʼবলৈ যিহোৱাৰ পৰা সহায় বিচাৰক। যেতিয়া আপুনি সেইমতে কাৰ্য্য কৰিব, ভাই-ভনীসকলৰ সঙ্গতিৰ পৰা আনন্দ লাভ কৰিবলৈ আৰু আমাৰ মৰমীয়াল স্বৰ্গীয় পিতৃয়ে অনন্ত জীৱনৰ বিষয়ে আয়োজন কৰা কাৰ্য্যক্ৰমবোৰ শুনিবলৈ অপেক্ষা কৰিব পাৰে।—যোহন ৬:৬৮ তুলনা কৰক।
[Box on page 3]
কাৰ্য্যক্ৰমৰ সময়
শুক্ৰবাৰ আৰু শনিবাৰ
পুৱা ৯:৩০—আবেলি ৫:০০
দেওবাৰ
পুৱা ৯:৩০—আবেলি ৪:০০