শালীনতাৰে পৰিধান কৰা সাজ-পোছাকে ঈশ্বৰলৈ ভক্তি প্ৰকাশ কৰে
১ অতি শীঘ্ৰেই আমি ২০০৩ চনত হʼবলগীয়া “ঈশ্বৰক মহিমা কৰা” জিলা অধিৱেশনত যিহোৱাৰ অতিথি হোৱাৰ বিশেষাধিকাৰ লাভ কৰিম। যিহোৱাই আমাক তেনে আধ্যাত্মিক মহা ভোজলৈ আমন্ত্ৰণ কৰাৰ বাবে আমি তেওঁৰ প্ৰতি কিমান যে কৃতজ্ঞ! আমি আমাৰ সাজ-পোছাক পৰিধানেৰে তেওঁৰ প্ৰতি ভক্তি আৰু তেওঁ প্ৰবন্ধ কৰা আধ্যাত্মিক ব্যৱস্থাক মূল্যাঙ্কন কৰিব পাৰোঁ।—গীত. ১১৬:১২, ১৭.
২ পৰিষ্কাৰ আৰু পৰিপাটিকৈ সাজ-পোছাক পৰিধান কৰা: আমাৰ বহিঃৰূপ পৰিষ্কাৰ আৰু সুশৃংখলতা বজাই ৰাখি ঈশ্বৰৰ স্তৰসমূহ প্ৰকাশ কৰা উচিত। (১ কৰি. ১৪:৩৩; ২ কৰি. ৭:১) আমাৰ শৰীৰ, চুলি আৰু নখ পৰিষ্কাৰ হোৱা আৱশ্যক। তদুপৰি আমাৰ সাজ-পোছাক পৰিপাটি হোৱা উচিত। বৰ্তমান সময়ত অপৰিপাটি আৰু জধলা প্ৰকাৰে সাজ-পোছাক পৰিধান কৰাটো এটা সাধাৰণ বিষয় হৈ পৰিছে। কেৱল কোনো চিনেমাৰ নায়ক বা জনপ্ৰিয় খেলুৱৈয়ে তেনে ধৰণৰ সাজ-পোছাক পৰিধান কৰাৰ বাবে খ্ৰীষ্টানসকলেও তেনেদৰে পৰিধান কৰিব লাগে, এনে নহয়। কিয়নো যদি আমি তেনে জনপ্ৰিয় সাজ-পোছাক পৰিধান কৰোঁ তেন্তে সত্য ঈশ্বৰক উপাসনা নকৰা লোকসকলে আমি যে এই জগতৰ পৰা পৃথক তাক চিনাক্ত কৰাত কঠিন হʼব।—মলা. ৩:১৮.
৩ সাজ-পোছাক যি খ্ৰীষ্টান পৰিচৰ্য্যাৰ বাবে লাভজনক: পাঁচনি পৌলে খ্ৰীষ্টান অধ্যক্ষ তীমথিয়লৈ লিখা পত্ৰত “তিৰোতাবিলাকে সুলাজ আৰু সুবোধেৰে সৈতে, পৰিপাটি পোচাকেৰে নিজক ভূষিত কৰক; . . . ঈশ্বৰভক্তি স্বীকাৰ কৰা তিৰোতাবিলাকৰ যোগ্য সৎকৰ্ম্মেৰে ভূষিত কৰক” বুলি উৎসাহিত কৰিছিল। (১ তীম. ২:৯, ১০) আমাৰ সাজ-পোছাক পৰিপাটি হোৱাটো নিশ্চিত কৰিবলৈ গভীৰতাৰে এই বিষয়ে বিবেচনা কৰা উচিত। আমি পৰিধান কৰা বস্ত্ৰ জাকজমকতা বা কুৰুচিপূৰ্ণ অথবা উত্তেজনামূলক হোৱাৰ পৰিৱৰ্তে পৰিপাটি, পৰিষ্কাৰ আৰু মাৰ্জিত হোৱা আৱশ্যক।—১ পিত. ৩:৩.
৪ ইয়াৰ উপৰিও পাঁচনি পৌলে অত্যধিক “চেলা বটা চুলি, সোণ, মুকুতা, আৰু বহুমূল্য” বস্তুৰে নিজকে ভূষিত কৰাৰ সম্পৰ্কে সকীয়নি দিছিল। (১ তীম. ২:১০) অলঙ্কাৰ-পাতি পৰিধান, প্ৰসাধন কৰা আৰু নিজকে সজোৱা কাৰ্য্যত ভাৰসাম্য বজাই ৰাখাটো হৈছে খ্ৰীষ্টান মহিলাসকলৰ বাবে এক বুদ্ধিমানৰ কাৰ্য্য।—হিতো. ১১:২.
৫ পৌলে খ্ৰীষ্টান মহিলাসকলক দিয়া পৰামৰ্শটো খ্ৰীষ্টান পুৰুষসকলৰ বাবেও প্ৰযোজ্য হয়। ভাইসকলেও এই জগতৰ বিচাৰধাৰাক প্ৰতিফলিত কৰা পিন্ধন-শৈলীৰ পৰা বিৰত থকা উচিত। (১ যোহ. ২:১৬) উদাহৰণস্বৰূপে, কিছুমান দেশত ওলোম-ধোলোম অৰ্থাৎ আৱশ্যকতকৈ ডাঙৰ জোখৰ বস্ত্ৰ পৰিধান কৰাটো অধিক সৰবৰহী, কিন্তু এনে বস্ত্ৰ পৰিধান কৰাটো ঈশ্বৰৰ সেৱকসকলৰ বাবে উপযুক্ত নহয়।
৬ অধিৱেশনৰ কাৰ্য্যক্ৰমৰ পৰা আজৰি হোৱা সময়ছোৱাত পৰিধান কৰা সাজ-পোছাক: অধিৱেশনৰ কাৰ্য্যক্ৰমৰ সময়ত ভাই আৰু ভনীসকলে সাজ-পোছাক পৰিধান কৰাৰ ক্ষেত্ৰত এক উত্তম আৰ্হি ৰাখিছে। কিন্তু এনে কিছুমান ৰিপৰ্ট আমালৈ আহিছে যে অধিৱেশনলৈ যাত্ৰা কৰা বা অধিৱেশনৰ স্থানৰ পৰা উভটি অহা অথবা অধিৱেশনৰ পৰা আজৰি সময়ত কিছুমান ভাই-ভনীয়ে এনে সাজ-পোছাক পৰিধান কৰে যি ঈশ্বৰৰ স্তৰসমূহক প্ৰতিফলিত নকৰে। প্ৰকৃততে অধিৱেশনৰ কাৰ্য্যক্ৰমত বা আজৰি সময়তেই নহওক কিয়, সকলো উপলক্ষতে আমাৰ সাজ-পোছাকে ঈশ্বৰৰ স্তৰসমূহ প্ৰকাশ কৰা উচিত। কিয়নো আমি অধিৱেশনৰ বেজ কাৰ্ড পৰিধান কৰোঁ, গতিকে সকলো সময়তে আমি এনে সাজ-পোছাক পৰিধান কৰা উচিত যিয়ে খ্ৰীষ্টান পৰিচৰ্য্যাৰ বাবে লাভজনক। আমাৰ এনে সাজ-পোছাকে আমাৰ প্ৰতি আনে শলাগ লʼবলৈ দিয়ে আৰু ইয়ে তেওঁলোকক সাক্ষী দিবলৈ এক পথ মুকলি কৰে।—১ কৰি. ১০:৩১-৩৩.
৭ যিদৰে এটা বন্ধুত্বৰ হাঁহিয়ে আমাৰ মুখৰ ৰূপ প্ৰবল কৰি তুলে ঠিক তেনেদৰে আমাৰ সাজ-পোছাক আৰু ৰূপ-সজ্জাই ঈশ্বৰৰ সংগঠনৰ প্ৰতিনিধি হিচাবে বহন কৰা তেওঁৰ বাৰ্ত্তাক মৰ্য্যাদাশীল কৰি তুলে। এই বছৰৰ “ঈশ্বৰক মহিমা কৰা” জিলা অধিৱেশনত যিসকলে আমাক লক্ষ্য কৰিব তেওঁলোকে অৱশ্যেই আমি কিয় আনতকৈ ভিন্ন তাক পৰীক্ষা কৰিবলৈ পৰিচালিত হʼব আৰু শেষত তেওঁলোকে এইদৰে কʼব: “আমি তোমালোকৰ লগত যাম; কিয়নো আমি শুনিছোঁ, ঈশ্বৰ তোমালোকৰ লগত আছে।” (জখ. ৮:২৩) এতেকে আঁহক আমি সকলোৱে আমাৰ সাজ-পোছাক আৰু ৰূপ-সজ্জাৰ যোগেদি যিহোৱাৰ প্ৰতি থকা শ্ৰদ্ধা প্ৰকাশ কৰোঁহঁক।
[Study Questions]
১. আহিবলগা জিলা অধিৱেশনত আমি কেনেকৈ কৃতজ্ঞতা প্ৰকাশ কৰিব পাৰোঁ?
২. আমি কিয় পৰিষ্কাৰ আৰু পৰিপাটি সাজ-পোছাক পৰিধান কৰা আৱশ্যক?
৩. পাঁচনি পৌলে ১ তীমথিয় ২:৯, ১০ পদত দিয়া পৰামৰ্শৰ অনুসৰি আমি সাজ-পাৰ পৰিধান কৰিছোঁ নে নাই তাক কেনেকৈ নিশ্চিত কৰিব পাৰোঁ?
৪, ৫. খ্ৰীষ্টান পুৰুষ আৰু মহিলাসকলে সাজ-পোছাক পৰিধানৰ ক্ষেত্ৰত কেনে সাৱধানতা অৱলম্বন কৰা উচিত?
৬. অধিৱেশনলৈ যাত্ৰা কৰোঁতে, অধিৱেশনৰ সময়ত আৰু প্ৰত্যেকদিনা কাৰ্য্যক্ৰমৰ অন্তত আমি আমাৰ সাজ-পোছাক আৰু ৰূপ-সজ্জাত কিয় এক উচ্চ স্তৰ বজাই ৰখা আৱশ্যক?
৭. আমাৰ পৰিপাটি সাজ-পোছাক আৰু ৰূপ-সজ্জাই আনক কেনেদৰে প্ৰভাৱিত কৰিব?
[Box on page 5]
এক সন্মানীয় অবিৰ্ভাৱ প্ৰস্তুত কৰা
▪ যাত্ৰা কৰাৰ সময়ত
▪ অধিৱেশনত উপস্থিত থকা সময়ত
▪ প্ৰত্যেকদিনা অধিৱেশনৰ কাৰ্য্যক্ৰমৰ শেষৰ আজৰি সময়ত