সন্মিলনৰ কাৰ্য্যক্ৰমসমূহৰ পুনৰ নিৰীক্ষণ কৰাৰ নতুন ব্যৱস্থা
চয়তানৰ জগতখন যেনেকৈ অতি বেয়ালৈ ধাল খাইছে, যিহোৱা ঈশ্বৰে আমাক “ভক্তি-লঙ্ঘন আৰু সাংসাৰিক আভিলাষ অস্বীকাৰ কৰি, গম্ভীৰ, ধাৰ্ম্মিক, আৰু ভক্তিভাৱে এই বৰ্ত্তমান সংসাৰত যেন জীৱন যাপন” কৰিবলৈ প্ৰতিৰক্ষা প্ৰদান কৰিছে। (তীত ২:১২) ‘বিশ্বাসী বুদ্ধিমান দাসবৰ্গৰ’ দ্বাৰা প্ৰবন্ধ কৰা আনবোৰ ব্যৱস্থাৰ সৈতে বছেৰেকীয়া চাৰ্কিট সন্মিলন আৰু এদিনীয়া বিশেষ সন্মিলনৰ কাৰ্য্যক্ৰমসমূহৰো আয়োজন কৰিছে। (মথি ২৪:৪৫) এই আধ্যাত্মিক কাৰ্য্যক্ৰমবোৰত উপস্থিত হৈ আমাৰ বিশ্বাস কিমান যে শক্তিশালী হয়!
সন্মিলনবোৰত পোৱা উপদেশবোৰক সোঁৱৰি সেইবোৰৰ অনুসাৰে জীৱন-যাপন কৰাত সহায় কৰিবলৈ ২০০৫ চনৰ সেৱা বছৰত এই নতুন ব্যৱস্থা কৰা হৈছে, যʼত আগন্তুক সন্মিলনৰ কাৰ্য্যক্ৰমবোৰক নিৰীক্ষণ কৰা হʼব। এই মাহৰ আমাৰ ৰাজ্য পৰিচৰ্য্যাʼৰ ৫-৬ পৃষ্ঠাত দিয়া অন্তপত্ৰৰ লেখসমূহত প্ৰত্যেকখন সন্মিলনত কেনে কাৰ্য্যক্ৰমবোৰ প্ৰস্তুত কৰা হʼব, সেই বিষয়ে পূৰ্বাভাস দাঙি ধৰি প্ৰশ্নসমূহৰ বিবেচনা কৰা হৈছে। এই সংবাদবোৰ সন্মিলনত উপস্থিত হোৱাৰ কিছুসময়ৰ পূৰ্বে আৰু পিছত মণ্ডলীসমূহে সেৱা সভাত আলোচনা কৰিব। ইয়াক কেনেকৈ সংগঠিত কৰিব পাৰি?
মণ্ডলীয়ে চাৰ্কিট সন্মিলনত উপস্থিত হোৱাৰ এক বা দুসপ্তাহৰ পূৰ্বে সেৱা সভাত “নতুন চাৰ্কিট সন্মিলনৰ কাৰ্য্যক্ৰম” নামৰ লেখটোৰ ওপৰত আধাৰিত কৰি দহ মিনিট ভাষণ দিয়াৰ ব্যৱস্থা কৰা হৈছে যাতে সকলোৱে সেই কাৰ্য্যক্ৰমত ভাগ লʼবলৈ উৎসাহিত হয়। তদুপৰি বক্তাই পুনৰাবৃত্তি কৰা প্ৰশ্নসমূহ বিবেচনা কৰি সকলোকে সন্মিলনৰ কিছু সপ্তাহৰ পিছত আলোচনা হʼবলগীয়া প্ৰশ্নসমূহৰ বাবে সন্মিলনৰ বিষয়বোৰৰ টোকা লিখিবলৈ উৎসাহিত কৰিব।
সন্মিলনৰ কিছু সপ্তাহৰ পিছত, সেৱা সভাত সন্মিলনৰ প্ৰথম দিনাৰ কাৰ্য্যক্ৰমক ১৫ মিনিট পুনৰ নিৰীক্ষণ কৰা হʼব। তাৰ পিছৰ সপ্তাহৰ সেৱা সভাত ১৫ মিনিটত দ্বিতীয় দিনাৰ কাৰ্য্যক্ৰমক পুনৰ নিৰীক্ষণ কৰিব। এই অন্তপত্ৰত দিয়া পুনৰ নিৰীক্ষণৰ প্ৰশ্নসমূহৰ ওপৰত আধাৰিত কৰি সেই আলোচনা কৰা হʼব। সেই পুনৰ নিৰীক্ষণত সন্মিলনৰ ব্যৱহাৰিক দিশটোৰ বিষয়ে আলোচনা কৰা উচিত। সন্মিলনৰ কাৰ্য্যক্ৰমক পুনৰ নিৰীক্ষণ কৰা আলোচনাৰ বাবে প্ৰাচীনসকলে হয়তো সেৱা সভাৰ আন কাৰ্য্যক্ৰমক সংক্ষিপ্তকৰণ বা বাদ দিব পাৰে।
এদিনীয়া বিশেষ সন্মিলনৰ কাৰ্য্যক্ৰমৰ বাবেও ১৫ মিনিট সময় কাৰ্য্যক্ৰমটোক সম্পূৰ্ণকৈ পুনৰাবৃত্তি কৰাৰ বাহিৰে সেই একেই ব্যৱস্থা আয়োজন কৰিব পাৰে। যিহোৱাই প্ৰবন্ধ কৰা উত্তম নিৰ্দ্দেশনাৰ পৰা লাভৱান হʼবলৈ নিশ্চয়ে আমাৰ সকলোৱে এই অন্তপত্ৰখন সংৰক্ষিত কৰি থব বিচাৰিব।—যিচ. ৪৮:১৭, ১৮.