6 Qamaqejj* ovejamp chikaw jakasini,+

leopardojja cabritompiw jiptʼasini,

vaca qallusa, leonasa, likʼintayat animalasa juntukïpjjaniwa,*+

mä jiskʼa yoqall wawakiw jupanakarojj irpani.

 7 Vacampi osampejj juntukiw manqʼapjjani,

qallunakapas juntukiw winkurtʼasipjjarakini.

 8 Mä wawajj* cobra sat asirun* pʼiyapanwa anatasini,

ñuñu tʼaqat mä jiskʼa wawajj venenoni mä asirun tapaparuw amparap loqantani.

 9 Nayan sagrado qollujanjja+

janiw jupanakajj kuna jan walsa lurapkaniti,

janirakiw kuna jan waltʼäwsa utjayapkaniti,+

kuna laykutejj oraqejja Jehová Diosar uñtʼañampi phoqantatäniwa,

kunjamtï umajj lamar qotar phoqantkejja ukhamaw phoqantani.+

 9 Ukanjja janiw ni mä leonas utj-jjaniti,

janirakiw salvaje animalanakas jakʼachasinkaniti.

25 Qamaqempi* ovejampejj juntukiw manqʼapjjani,

leonajj toror uñtasitaw pasto manqʼani,+

asirusti* laqʼa polvo manqʼarakini.

18 Uka urunsti markajatakejj mä pacto luräjja, salvaje animalanakampi,+

alajjpachankir jamachʼinakampi, qatatnaqtir animalanakampi.+

Nayasti flechtʼañatak arcsa, espadsa, guerrsa markat chhaqtayäwa,+

markajarojj seguro iktʼayäjja.*+