Nayrapachanakatpachsa janiw ukham yatiyaskänti
Jehová Diosan markapaxa yatiyir sarañatakix suma uttʼayatawa, ukat patak marat sipansa jila maranakawa suma yatiyäwinakxa ukham yatiyasipki (1 Cor. 9:23). Nayrapachanakatpachsa janiw ukham yatiyaskänti, kunattix jichhaxa patak patak arunakanwa yatiyäwisax istʼasiski, ukhamarak patak kimsa tunk jila markanakanwa yatiyasiskaraki (Mat. 24:14). ¿Kunatsa ukham yatiyañax wakisi? ¿Kunjamatsa aka Uraqpachar yatiyasi?
Uka tuqitxa Los testigos de Jehová: organizados para predicar las buenas nuevas sat videow qhanañchistu, ukanwa kunas aka Uraqpachan lurasiski ukanakax uñjasi. Uñjkasaxa aka jisktʼanakatwa amuytʼäta: 1) ¿Kunjam uttʼayatasa ukat khitinakasa Diosan markapan luräwinakapxa uñjapxi? 2) Departamento de Redacción, Servicios de Traducción, Arte ukat Servicios de Audio y Video uka departamentonakaxa, ¿kunjamsa suma yatiyäwinak yatiyasiñapatakix yanaptʼi? 3) ¿Kuna amtampisa walja qillqatanakax lurasi ukhamarak taqi chiqar apayasi? (Juan 17:3.) 4) Sapa maraxa, ¿qhawqha qillqatanakas lurasi? 5) Bibliat apstʼata qillqatanakasaxa, ¿kunjamsa jaqinakar yanaptʼi? (Heb. 4:12.) 6) Jan istʼirinakaru ukhamarak jan uñjirinakaru Bibliat yatiqañ yanaptʼañatakixa, ¿kunas lurasiski? 7) ¿Kawkitsa qullqix mistu? 8) Servicios de Información sobre Hospitales, Departamento de Servicio ukat Departamento de Asambleas uka departamentonakan irnaqäwinakapaxa, ¿kunatsa jiwasatak wali askixa? 9) Jehová Diosan Qhanañchiripa, ¿kunjamsa aka videox 9(1) yatiyañataki Diosan markapax chʼamachasiski ukar askit uñjañatakix yanaptʼtamxa? 9(2) patak jila Betel utanakan irnaqasipki ukar askit uñjañataki yanaptʼtamxa? 9(3) irpir chuyman jilatanakaru misioneronakaru yatichasiski ukanakar askit uñjañataki yanaptʼtamxa? 9(4) Examinando las Escrituras diariamente sat folleto sapüru liyiñarusa ukat tantachäwinakatak wakichasiñarusa askit uñjañ yanaptʼtamxa? 9(5) tantachäwinakar sarañax wali askïtap amuyañ yanaptʼtamxa? 9(6) aka Uraqix paraisüxani ukhax kunjamäxanis uk sum amuyañ yanaptʼtamxa? (Isa. 11:9.) 9(7) yatiyañ yanaptʼatasar askit uñjañ yanaptʼtamxa? (Juan 4:35.)
¿Aka video uñjasaxa familiaranakamasa, uñtʼatanakamasa, Bibliat yatxatañ munir jaqinakasa, Bibliat yatiqirinakasa kamsapxataynasa? ¿Janit yaqha jaqinakar akürunakan aka video uñttʼayañax askïkaspa, ukhamat suma yatiyäwinak parltʼañataki? (Mat. 28:19, 20.)