İşgüzar ərazidə əminliklə şahidlik et
1. İşgüzar ərazidə təbliğ etməyə qorxuruqsa, nəyə görə ruhdan düşməməliyik?
1 İşgüzar ərazidə təbliğ etmək fikri səni qorxudurmu? Əgər belədirsə, ruhdan düşmə. Pavel nə qədər cəsarətli və ürəkli insan olsa da, təbliğ etmək üçün onun da cəsarətləndirilməyə ehtiyacı var idi (1 Salon. 2:2). Növbəti abzaslarda işgüzar ərazidə təbliğ etməklə bağlı yaranan çətinlikləri və onların öhdəsindən gəlmək üçün praktiki məsləhətləri müzakirə edəcəyik.
2. İşçiləri işlərindən yayındıracağımıza görə nə üçün narahat olmamalıyıq?
2 İşlərinə mane olmarıq? Bir çox iş yerlərində işçilərin vəzifəsi başqalarına xidmət etməkdir, buna görə də kiminsə yaxınlaşıb onları işdən ayırması normal hesab edilir. Onlar hamını müştəri gözündə gördüklərindən, adətən, nəzakətlə davranırlar. Əgər siz hörmətcil, səmimi və dostyana münasibət göstərsəniz, onlar da sizinlə hörmətcil davranacaqlar.
3. Necə edə bilərik ki, müştəriləri qıcıqlandırmayaq?
3 Müştəri çox olanda təbliğ etmək lazımdır? Adam çox olmayanda, məsələn, mağaza təzə açılanda təbliğ etmək daha yaxşı olardı. Müdirə və ya satıcıya yanlarında heç kim olmayanda yaxınlaş. Qısa təqdimə et.
4. İşgüzar ərazidə təbliğ edərkən necə təqdimə edə bilərik?
4 Təqdimə. Əgər işçi heyəti bir neçə nəfərdən ibarətdirsə, çalış, məsul şəxslə söhbət edəsən. Ona belə deyə bilərsən: «İşgüzar insanları evdə tapmaq çətin olduğu üçün sizə iş yerinizdə baş çəkmək qərarına gəldik. Bilirəm, məşğulsunuz, ona görə də çox qısa danışacağam». Bizi satıcı ilə səhv salmasınlar deyə, fəaliyyətimizin necə maliyyələşdirilməsi barədə soruşmadıqları təqdirdə yaxşı olardı ki, ianə haqqında xatırlatmayaq. İşin növündən asılı olmayaraq, işçilərlə qısaca danışmaq üçün müdirdən icazə ala bilərsən. Təqdiməni onlara da təkrarla. Əgər işçilər məşğul görünürlərsə, təqdiməni qısalt və traktat saxla. İşçilərlə danışmaq mümkün olmasa, ola bilsin, sənə istirahət otağında və ya başqa münasib bir yerdə ədəbiyyat saxlamağa icazə verildi.
5. İşgüzar ərazidə əminliklə şahidlik etmək üçün hansı əsaslarımız var?
5 İsa və Pavel insanlara iş yerlərində əminliklə təbliğ edirdilər; sən də edə bilərsən (Mat. 4:18—21; 9:9; Həv. iş. 17:17). Duada Yehovadan xahiş et ki, cəsarətli olmaq və həyəcanlanmamaq üçün sənə kömək etsin (Həv. iş. 4:29, 30). İşgüzar ərazilərdə nadir hallarda adam olmur. Buna görə də gəlin xidmətin bu səmərəli növündən yararlanaq.