CARANA ASA DANG MARSOGO NI ROHA BE TU NA ASING

4 | Boi Do Debata Mangurupi Hita Mambolokkon Sogo Ni Roha

Na Didok Bibel:

“Parbue ni tondi parbadia, i ma holong, las ni roha, dame, sabar, haburjuon, pangalaho na denggan, haporseaon, lambok ni roha, dohot mangarajai diri.”—GALATIA 5:22, 23.

Lapatanna:

Holan Debata do na boi mangurupi hita mambolokkon sogo ni rohatta. Boi do tondi parbadiana mangurupi sasahalak patuduhon sifat na mungkin dang boi dipatudu ibana molo holan mangandalhon dirina sandiri. Jadi unang ma hita mangandalhon diritta sandiri, alai taandalhon ma Debata na boi mangurupi hita. Molo taulahon i, boi ma tahilala songon na dihilala Apostel Paulus na mandok, “Margogo do au di sude na masa, ala dilehon Debata do huaso tu au.” (Pilippi 4:13) Jala boi ma hita mandok, “Sian Jahowa do ro na mangurupi au.”—Psalmen 121:2.

Na Boi Diulahon Hamu:

“Jahowa do na mangurupi au muba sian halak na kasar gabe halak na marroha na dame.”—SI WALDO

Martangiang ma tu Jahowa sian ias ni roha mangido tondi parbadiana. (Lukas 11:13) Pangido ma tu Ibana asa diurupi Ibana hamu lao maniru sifatna. Parsiajari ma sian Bibel akka sifat na boi mambolokkon sogo ni roha songon holong, hadameon, hasabaron, dohot mangarajai diri. Jala berusaha ma hamu patuduhon akka sifat i di ngolumuna ganup ari. Asing ni i, mardongan ma hamu tu akka halak na tong berusaha patuduhon akka sifat i. Alana boi do nasida manjujui hita “lao patuduhon holong ni roha dohot mangulahon na denggan”.—Heber 10:24.

Kisah Nyata—SI WALDO

Boi do Ibana Mambolokkon Sifatna na Kasar

Tikki dakdanak si Waldo, sering do bapak tirina mamukkuli ibana. Akibatna, gabe halak na kasar ma si Waldo. Didok ibana, “Sering do au marbadai dohot bandar narkoba . . . Di sada tikki, disewa geng ni musukku ma pembunuh bayaran lao pamatehon au. Alai boi do au lari sian i. Jala holan sahali do au hona tikkam.”

Dang lomo roha ni si Waldo tikki marsiajar Bibel istrina dohot Saksi Jahowa. Didok ibana, “Dang lomo rohakku tu Saksi Jahowa. Jala sering do husonggaki nasida. Alai tetap do nasida burju tu au.”

Dang sadia leleng, dohot ma si Waldo marsiajar Bibel. Didok ibana, “Maol do huhilala mangulahon na huparsiajari i. Menuruthu dang boi hupauba sifathu na kasar on jala na parmuruk-muruk on.” Alai adong ma na diparsiajari ibana sian Bibel na mambahen ibana muba.

Didok si Waldo muse, “Di sada tikki, disuru guru studikku na margoar si Alejandro ma asa hujaha Galatia 5:22, 23. . . . Didok si Alejandro, dang boi au patuduhon akka sifat i molo holan mangandalhon dirikku sandiri. Ikkon diurupi tondi parbadia ni Debata do au. Dung hubege i, muba ma cara berpikirhu!”

Ala Debata na diandalhon si Waldo, gabe berhasil ma ibana mambolokkon sogo ni rohana. Didok ibana, “Dang dirippu keluargakku dohot donganku najolo na boi au muba. Jahowa do na mangurupi au muba sian halak na kasar gabe halak na marroha na dame.”