SUKKUN-SUKKUN NI AKKA NA POSO
Penciptaan Manang Evolusi?—Bagian 4: Songon Dia do Au Patorakkon Haporseaokku Taringot Penciptaan?
Porsea do ho tu penciptaan, alai mabiar do ho paboahon haporseaonmi di sikkola. Ra alasanna ala diajarhon do taringot evolusi di bukku pelajaranmu. Asing ni i, mabiar do ho gabe direhei guru dohot akka dongan sakalasmu annon. Jadi songon dia do carana asa pos roham tikki paboahon haporseaonmu taringot penciptaan?
Pasti boi do ho paboahon i!
Ra didok roham: ‘Dang malo au patorakkon taringot sains jala berdebat taringot evolusi.’ Songon i do na hea dihilala si Danielle. Didok ibana, “Dang lomo rohakku molo ikkon berdebat tu guru dohot tu akka dongan sakalashu.” Songon i do tong na dihilala si Diana. Didok ibana, “Bingung do au molo nga dipakke nasida istilah-istilah sains.”
Alai ingot ma, tujuanmu dang asa monang berdebat. Jala sebenarna dang ikkon jolo gabe halak na malo ho asa boi patorakkon boasa porsea ho na tutu do alam semesta on ditoppa.
Saran: Boi do dipakke ho hatorangan na sederhana na disurat di Heber 3:4. Didok di ayat i, “Ganup jabu, adong do na pajongjokkon, alai Debata do na manoppa nasa na adong.”
Sahalak anak boru na margoar si Carol paboahon sada contoh na sarupa songon na disurat di Heber 3:4. Didok ibana, “Bayakkon ma hita mardalan di tonga ni hutan, dang adong halak na tinggal disi. Dung i, taida ma adong tusuk gigi na peak di tano. Aha ma na ro tu pikkiranta? Pasti tadok do di bagasan rohatta, ‘Adong do halak na hea ro tuson.’ Haru tusuk gigi dang mungkin toppu adong di hutan i. Apalagi ma alam semesta on dohot nasa isina!”
Molo adong na mandok: “Molo tutu do adong penciptaan i, ise ma na menciptahon Pencipta i?”
Boi do didokkon ho songon on: “Memang dang boi taboto sude taringot Pencipta, alai dang berarti dang adong Pencipta. Songon on ma contohna, mungkin dang ditanda ho ise na mambahen HP-mi, alai porsea do ho kan adong halak na mambahen i? [Pasombu ma ibana na mangalusi.] Godang do na boi taparsiajari taringot na menciptahon hita. Molo olo ho, boi do huurupi ho marsiajar taringot Ibana.”
Bahen hian ma persiapan
Didok di Bibel, “Sai rade ma hamu mangalusi sude halak na manukkun hamu taringot tu haporseaonmuna. Alai lambok ma alusi hamu jala sangap ma nasida bahen hamu.” (1 Petrus 3:15) Alani i adong dua na ikkon dipersiappon hamu, i ma aha na naeng dipasahat hamu jala songon dia carana pasahatton i.
Aha na naeng dipasahat hamu. Parjolo ikkon holong do roham tu Debata. Alana Ibana do na mambahen ho barani mambela haporseaonmu. Alai asa boi pos roha ni halak na tutu do Debata na manoppa saluhutna, dang sae holan mandok na holong roham tu Debata. Ikkon dipakke ho do akka contoh sian alam semesta on lao patuduhon boasa masuk akkal porsea tu penciptaan.
Songon dia carana pasahatton i. Ikkon yakin do ho tikki paboahon haporseaonmi. Alai unang gabe kasar manang gabe leas roham tu halak na asing. Boi do ra gabe olo halak manangihon ho molo diargai ho haporseaon ni nasida jala diakkui ho na marhak do nasida mambahen kesimpulan sandiri.
“Menuruttu, tikki makkatai hita tu halak na asing unang ma songon na menghina, manang didok rohatta nga taboto sude. Dang adong gunana molo sepele hita tu halak na asing.”—Si Elaine.
Akka na boi mangurupi hamu patorakkon haporseaonmuna
Molo rade ho mambela haporseaonmu sarupa ma i songon sasahalak naung mamboan payung sebelum ro udan
Sahalak remaja na margoar si Alicia mandok, “Molo dang siap hita, pasti gabe dang barani hita paboahon haporseaotta ala mabiar hita sala makkatai.” Songon na didok si Alicia, massai penting do mambahen persiapan. Didok si Jenna do, “Molo hubahen persiapan dohot akka contoh na sederhana na boi hupakke lao mambela haporseaokku, gabe lam percaya diri ma au tikki mambahas taringot penciptaan.”
Didia do boi dapotmu akka contoh sisongon i? Godang do akka na poso na diurupi ala mamparsiajari akka bahan on:
Benarkah Kehidupan Diciptakan?
Asal Mula Kehidupan—Lima Pertanyaan yang Patut Direnungkan
Keajaiban Ciptaan Menyingkapkan Kemuliaan Allah (video)
Artikel seri “Apakah Ini Dirancang?” na adong di majalah Sadarlah! (Ketik ma [pakke tanda kutip] “apakah ini dirancang” di kolom pencarian na adong di PERPUSTAKAAN ONLINE Menara Pengawal.)
Pakke ma PERPUSTAKAAN ONLINE Menara Pengawal lao mangalului unggodang hatorangan.
Ida ma muse akka artikel na sebelumna adong di seri “Penciptaan manang Evolusi?”
Saran: Pillit ma akka contoh na mambahen ho yakin. Hasilna, gabe lam mura ma diingot ho i jala gabe percaya diri ma ho tikki pasahatton i. Jolo marlatik ma ho sebelum patorakkon haporseaonmi.