Pagtiripon na Matabang Sato na Gumibo nin Disipulo
SEMANA NIN MAYO 7-13
10 min: Lokal na mga paisi asin Mga Paisi sa An Satong Ministeryo sa Kahadean. Dagkahon an gabos na makikabtang sa pagwaras nin magasin ngonyan na Sabado. Idemonstrar an duwa o tolong haralipot na pag-alok nin magasin na angay sa lokal na teritoryo, na an kada saro saro sanang artikulo an itinatampok.
17 min: “Padagos na Magsabing ‘Madia!’ sa mga Gustong Maghinanyog.” Hapot-simbagan. Ipasaysay an piniling lokal na mga eksperyensia sagkod sa itinotogot kan panahon. Idoon an pag-alok nin suskripsion sa The Watchtower asin Awake! sa gabos na angay na okasyon. Dagkahon an mga parahayag na dumalaw liwat na dai nin pag-atraso asin maghingoa na maponan an pag-adal sa Biblia sa mga interesado.
18 min: “Bearing Fruit With Endurance.” Pahayag sa materyal na nasa pahina 253-5 kan 1990 Yearbook. Tawan nin mainit na komendasyon an mga parahayag huli sa kabtang kan lokal na kongregasyon sa mapusong pagpatotoo asin pamumunga sa ibong nin mga pagbalo asin masakit na mga kamugtakan.
Kanta 72 asin pantapos na pamibi.
SEMANA NIN MAYO 14-20
10 min: Lokal na mga paisi asin report sa kuwenta. Isabi an areglo sa paglilingkod sa langtad para sa Sabado asin Domingo, asin dagkahon an mga pamilya na makikabtang sa pagharongharong.
20 min: “Mapusong Ipahayag an Maogmang Bareta.” Hapot-simbagan sa materyal. Basahon an mga parapo sagkod sa itinotogot kan panahon.
15 min: An Punto-de-Vista kan Biblia. Pahayag asin demonstrasyon. Magpoon kan luwas na Hulyo 8, 1985 kan Awake!, an “The Bible’s Viewpoint” nagin kawiliwiling kabtang kan magasin. An artikulo manongod sa paninindogan kan Biblia sa mga temang pinag-oolayan dinisenyo para sa mapaghapot na isip, baga man an tawo nagtutubod sa Biblia o dai. Parate na an mga artikulo nagtatao nin bagong pagmansay sa mga temang dati nang ipinaliwanag. Paano niato ginagamit an kabtang na ini sa ministeryo sa langtad? An mga artikulo halipot asin diretso sa punto, ta iyan duwa sanang pahina kalaba. Repasohon kaiba kan mga nagdadangog an pira sa mga artikulong ini na angay sa saindong lokal na teritoryo. Idemonstrar kun paano ikatatampok sa ministeryo an mga artikulo.
Kanta 92 asin pantapos na pamibi.
SEMANA NIN MAYO 21-27
10 min: Lokal na mga paisi asin Teokratikong mga Bareta. Iiba an mga areglo para sa paglilingkod sa langtad sa Sabado asin Domingo. Tumao nin mga suhestion sa kun arin na mga artikulo sa bagong mga magasin an tibaad magustohan nin mga tawo sa lokal na teritoryo.
20 min: “Ipagpadagos na Daing Ontok an Satong Ministeryo.” Hapot-simbagan. Ipabasa sa may kakayahan na tugang an mga parapo. An ibang nagdadangog puwedeng basahon asin komentohan an sitadong mga teksto. Iaplikar sa lokal an impormasyon, na tinatabangan an mga parahayag na maatubang an mga problema sa teritoryo asin mapagdanay an tamang kaisipan. An gabos maninigong magin determinado na maglingkod ki Jehova na may kaigotan sagkod sa katapusan.
15 min: An Halaga kan Maogmang Bareta sa Satong Buhay. Pahayag. An materyal manonompongan sa Enero 1, 1990, Torrengbantayan, pahina 3-5 (sa Ingles, pahina 4-6). Iareglo an inandam na mga komento kan kongregasyon sa kun paano nakatabang sainda an maogmang bareta na mapakarhay an saindang buhay.
Kanta 193 asin pantapos na pamibi.
SEMANA NIN MAYO 28–HUNYO 3
10 min: Lokal na mga paisi asin orolay manongod sa halaga nin listong pagreport sa kongregasyon kan satong nagibo sa paglilingkod sa langtad. Dagkahon an gabos na parahayag na lumuwas sa paglilingkod sa langtad sa Sabado asin Domingo. Ini an enot na Domingo sa Hunyo.
15 min: “Pag-aatubang kan Maogmang Bareta—Sa mga Hobenes.” Hapot-simbagan. Kun pinag-oolayan an parapo 4 ipademonstrar sa parahayag an pag-alok sa tin-edyer. Dagkahon an mga hobenes, magurang, asin iba pa na horophoropon an napapanahon na hatol kan libro. An gabos maninigong mag-andam na gamiton an libro sa paglilingkod sa langtad. Magsuherir nin mga paagi na magamit iyan sa orolay kan pamilya.
10 min: Hapot: Pahayag kan saro sa kamagurangan, na ginagamit an impormasyon sa artikulo. Siring man, sambiton nin espisipiko an marahayon na mga tape recording na itinagama kan Sosyedad, asin tabangan an mga tugang na maaraman kun paano ini magagamit nin mga indibiduwal asin sa Kristianong mga pamilya.
10 min: Pahayag sa halaga nin regular na pag-orolay sa pan-aroaldaw na teksto asin komento. Magsuherir kun paano ini magigibo. Ibasar an pahayag sa impormasyon na nasa introduksion kan Pagsiyasat sa Kasuratan Aroaldaw—1990.
Kanta 46 asin pantapos na pamibi.