Pagtiripon na Matabang Sato na Gumibo nin Disipulo
Semana nin Nobyembre 11-17
10 min: Lokal na mga paisi asin angay na Mga Paisi sa An Satong Ministeryo sa Kahadean.
20 min: “Pagrekomendar kan Tataramon nin Dios.” Hapot-simbagan. Kun pinag-oolayan an parapo 3 asin 4, ipademonstrar sa kuwalipikadong parahayag an Topikong Mapag-oolayan, na ginagamit an mga puntong ipakikipag-olay sa librong Word of God arog kan isinusuherir sa parapo 5.
15 min: An Halaga kan New World Translation Reference Bible. Orolay. Ipakikipag-olay nin saro sa kamagurangan an halaga kan Reference Bible sa duwa o tolong parahayag na naggamit kaiyan sa marahay na paagi. Pag-olayan an isinabi kan New World Bible Translation Committee sa pahina 5. Itampok an halaga nin mga nota sa ibaba, mga notasyon na nagtotokdo sa ibang reperensia, duwang konkordansia, asin apendise. Pag-olayan an mga punto na magagamit sa pag-alok kan Biblia ngonyan na bulan.
Kanta 46 asin pantapos na pamibi.
Semana nin Nobyembre 18-24
10 min: Lokal na mga paisi, Teokratikong mga Bareta, report sa kuwenta, asin pagpasalamat sa mga donasyon.
12 min: “Magin Bilog na Kalag sa Ministeryo sa Langtad—Kabtang 4.” Pahayag. Dagkahon an mga payo nin pamilya na tabangan an gabos sa pamilya na magin organisado asin magbugtak nin rasonableng mga pasohan sa paglilingkod.
13 min: “Pag-aatubang kan Maogmang Bareta—Paagi sa Madonong na Paggamit sa mga Publikasyon.” Hapot-simbagan. Iaplikar sa lokal an impormasyon.
10 min: “Why Be Clothed With Humility?” Nakapakokosog na pahayag basado sa artikulo sa Hulyo 15, 1991, Watchtower, pahina 27-30.
Kanta 92 asin pantapos na pamibi.
Semana nin Nob. 25–Dis. 1
5 min: Lokal na mga paisi.
12 min: Halaga kan brochure na School and Jehovah’s Witnesses. Pahayag, mas marahay kan saro sa kamagurangan na may aki. Itampok an halaga kan brochure na ipaaram sa mga autoridad kan eskuwelahan an pagtubod kan mga Saksi ni Jehova asin tabangan an mga magurang asin hobenes na Kristiano sa mga bagay may koneksion sa mga aktibidad sa eskuwelahan. An inimprentang impormasyon maninigong repasohon sa panapanahon kaiba kan mga hobenes. Kun minalataw an mga problema o hapot, buksan an brochure para sa giya. Apodon an atension sa espisipikong impormasyon na nasa irarom kan “Sound Moral Principles” asin “Holidays and Celebrations.” (Pahina 9-11, 17-21) Bilang konklusyon, itampok an pangangaipo na an mga magurang magkainteres sa pag-eskuwela kan saindang mga aki asin makikooperar sa administrasyon kan eskuwelahan.—Pahina 30-1.
20 min: Paghanap Asin Pagtokdo sa mga Maninigo. Pahayag asin mga interbio. Itampok an Mateo 10:11. An pakanompong nin tawo sa harong problema asin puwedeng maapektaran an satong pagigin mabunga asin magayagaya. Ano daw an magigibo? Dolokon an mga tawo sa saindang lagwerta. Irekord an mga mayo sa harong asin balikan tolos. An iba nagkaigwa nin marahayon na kapangganahan na manompongan sa harong an siring na mga tawo kun banggi, kaya makikabtang sa paghuhulit kun banggi. An paghuhulit sa tinampo puwedeng magin epektibo. Kun manompongan sa tinampo an mga interesado, kuanon an ngaran asin adres. Gumibo nin areglo na songkoon sinda sa saindang harong. (Interbiohon sa halipot an duwa o tolong parahayag asin/o payunir na nagin mapanggana sa paghuhulit kun banggi o sa tinampo.) Kaipuhan na kuyogon niato an pagboot ni Jesus na hanapon asin pasabsabon an saiyang mga karnero. (Juan 21:15-17) Ini nakatatabang sato na masabotan an pangangaipo na makaolay an mga nag-iistar sa kada harong kun mapupuwede.
8 min: Orolay sa “Hapot.” Pahayag. Ipaisi an lokal na mga areglo sa paglilingkod sa langtad poon Disyembre 1 tanganing an gabos makapakikabtang sa pagpopoon pa sana kan bulan.
Kanta 183 asin pantapos na pamibi.
Semana nin Disyembre 2-8
10 min: Lokal na mga paisi. Isabi sa halipot an mga puntong ipakikipag-olay sa mga magasin na puwedeng gamiton sa paghuhulit sa semanang ini.
20 min: “Areglo nin Pag-adal sa Libro kan Kongregasyon—Kabtang 4.” Hapot-simbagan. Itampok an pangangaipo na an gabos magpaheling nin personal na interes sa lambang saro sa grupo kan pag-adal sa libro.
15 min: Pagkinabang sa Estorya sa Buhay nin mga Saksi ni Jehova. Pag-oolay nin duwang tugang. Sa panapanahon, an estorya sa buhay nin modernong mga lingkod nin Dios minalataw sa The Watchtower asin Awake! Iyan nalilista sa Watch Tower Publications Index kapwa sa ngaran asin titulo kan artikulo. (Iilustrar kun paano hahanapon an espisipikong mga artikulo.) Mahalaga na maingat niatong basahon an mga artikulong ini asin mapakosog saka madagka kita kaiyan. Gamiton an impormasyon sa pagpakosog sa satong mga tugang asin inaadalan sa Biblia. Repasohon sa halipot an artikulong “What a Joy to Sit at Jehovah’s Table!” hale sa The Watchtower, Agosto 1, 1991, pahina 25-9. Itampok an espisipikong mga punto sa artikulo na nakatatabang sato (a) sa satong ministeryo sa langtad, (b) na tagalan an mga pagbalo, (c) na orog na apresyaron si Jehova asin an saiyang organisasyon, asin (d) na apresyaron an lakop sa kinaban na asosasyon nin magturugang. Nakikinabang na gayo kita sa pagigin “mga paraarog kan mga nagmamana sa mga panuga paagi sa pagtubod asin pakatagal.”—Heb. 6:11, 12.
Kanta 18 asin pantapos na pamibi.