Gamiton nin Marhay an mga Magasin
1 Kun minaduman kamo sa tindahan nin diaryo, nakakaheling kamo nin dakol na magasin na nagtatampok nin gabos na bagay magpoon sa komiks sagkod sa teknolohiya sa siensia. Nungka nindong mababasa iyan gabos. Mantang an ibang magasin igwa nin kapakipakinabang na impormasyon, an kadaklan kustionable an halaga.
2 Laen nanggad kun ikokomparar sa Awake! Idinedikar an magasin na ini sa paghanap asin pagbalangibog kan katotoohan na puwedeng gamiton para sa kaligtasan kan gabos na naghihimate sa pagkamoot nin Dios.
3 An Awake! puwedeng epektibong aboton an gabos na klase nin tawo huli sa mahiwas na sakop asin manlaenlaen na mga artikulo kaiyan. Arog kan pagkapaliwanag sa pahina 4 kan kada luwas, iyan “para sa kaliwanagan kan bilog na pamilya.” Itinatampok kaiyan an mga artikulo manongod sa laen-laen na tema, na kabale an mga tawo, relihiyon, asin siensia. Sinisiyasat kaiyan an kairairaromi asin itinotokdo an tunay na kahulogan sa likod kan presenteng mga pangyayari. Orog sa gabos, iyan “nagpaparigon sa pagsarig sa panuga kan Kaglalang na sarong matoninong asin tiwasay na bagong kinaban.”
4 Ngonyan na Oktubre dadarahon niato an atension sa magasin na Awake! sa satong paglilingkod sa langtad. An satong pasohan iyo na makakua nin mga suskripsion para sa magasin na ini tanganing an mga interesado puwedeng resibihon iyan sa regular na paagi na direkta sa koreo.
5 An Oktubre 8 luwas kan Awake! itinatampok an topikong “Protect Your Children!” Kadakol na pamilya ngonyan an igwa nin mga problema konektado sa saindang mga aki asin maoogma sa napapanahon na sadol sa magasin. Manongod sa Oktubre 22 na luwas, maninigo kitang makakua nin naghihinanyog na talinga paagi sa pag-apod nin atension sa artikulong “Is a New World Near?”
Mga Pag-aatubang na Nakakapukaw nin Interes
6 Pakapamidbid kan sadiri, puwede kamong magsabi:
◼ “Kadakol na magurang ngonyan an nahahadit manongod sa mga problema na napapaatubang sa saindang mga aki. Namamatean daw nindo na totoo ini ngonyan? [Pasimbagon.] Ano sa paghona nindo an magigin pinakamarahay na giya para sa mga magurang ngonyan? Digdi sa Oktubre 8 luwas kan Awake! igwa nin praktikal na mga suhestion kun paano puwedeng atubangon an mga problemang ini.” Dangan buksan an magasin asin ipaheling an mga artikulo sa “Protect Your Children!”
7 O puwede nindong sabihon:
◼ “Ano an saboot nindo dapit sa paglaom manongod sa bagong palakaw kun saen an gabos na guerra asin kariribokan hahaleon na? [Pasimbagon.] Tanganing ipaheling saindo na bako sana ining pangatorogan igwa ako digdi nin magasin (Oktubre 22 na luwas) na nagsasabi kan makangangalas na paglaom na ini gikan sa punto-de-vista kan Biblia.” Dangan puwede nindong buksan sa artikulo na may titulong: “Is a New World Near?”
8 Boot niatong magin positibo sa satong pagdolok kun iinaalok an Awake! sa mga tawo. Kombensido kita sa halaga kaiyan. Igwa kita nin marahay na ikaaalok, asin boot niatong ihiras iyan sa iba.—Tal. 3:27.