Mag-auxiliary Payunir sa Disyembre
1 Marahay na hapoton niato gabos an satong sadiri: ‘Sagkod sa anong sokol ako magigin paradara nin liwanag durante sa Disyembre? Puwede daw akong magin auxiliary payunir?’—Mat. 5:14, 16.
2 An bautisadong mga hobenes sa parate igwa nin ekstrang panahon na mayo nin eskuwela durante kan panahon nin bakasyon. An dakol na nagtatrabaho nin bilog na panahon magkakaigwa man nin nagkapirang dagdag na panahon sa bulan na ini. Dai mapoon an mga kombension sagkod sa Disyembre 23, kaya igwa nin labing tolong semana kan bulan na puwedeng gamiton para sa pag-auxiliary payunir.
3 An pangenot na bagay sa paglilingkod bilang auxiliary payunir iyo an satong pagigin andam na gumibo nin ekstrang paghihingoa. (Luc. 13:24) Makapag-o-auxiliary payunir daw kamo sa Disyembre? An paggibo kaiyan makatatabang saindo na makamate nin orog na kompiansa sa mga pinto asin magtatao saindo nin mas dakulang kaogmahan.—Gibo 20:35.