Magkamit nin Mararahay na Eksperyensia!

Naoogma daw kamo sa pagkaigwa nin mararahay na eksperyensia? An mga ini parateng bakong pagkanorongod sana. An kadaklan resulta nin mahigos na paghihingoa. Iyan bako man na limitado sana sa mga parahayag na mas marikas asin diridiretsong magtaram o mas may kakayahan.

Uya an nagkapirang bagay na naobserbaran sa mga igwa nin pinakadakol na kapangganahan: (1) Parate sindang nakikikabtang sa paglilingkod sa langtad pirang beses kada semana, na nagtatao sainda nin dakol na oportunidad na manompongan an interesadong mga tawo; (2) pinagdadanay ninda an positibong kaisipan manongod sa mga kagharong, na dai nagkokonklusyon nin patienot na dai sinda maghihimate; (3) igwa sinda nin makiamigong paggawe, na nagpapaheling nin tunay na interes sa mga nagdadangog; (4) desidido sinda sa pagbalik sa mga dinadalaw liwat siring man sa mga mayo sa harong; asin (5) igwa sindang pasohan na makapoon nin mga pag-adal sa Biblia.

Pakaanalisara kan saindong aktibidad, tibaad maheling nindo kun paano kamo magkakamit nin dakol pang marahay na eksperyensia na minagibo sa ministeryo na mas nakakakontento.