Pagtiripon sa Paglilingkod Para sa Pebrero
Semana nin Pebrero 3-9
10 min: Lokal na mga paisi asin Mga Paisi sa An Satong Ministeryo sa Kahadean. Teokratikong Bareta.
15 min: “Makikabtang sa Gibohon na Dai Na Noarin Man Ootrohon.” Hapot-simbagan.
20 min: “Pag-atubang kan Maogmang Bareta na May Pagkaapurado.” (Parapo 1-5) Pakatapos nin halipot na mga komento sa parapo 1, ipakikipag-olay kan tugang na lalaki na inasignaran kan kabtang an parapo 2-5 sa duwa o tolong parahayag. Rinerepaso ninda an tampok na mga kabtang kan isinuherir na mga pag-atubang asin kinokomentohan kun taano ini ta puedeng magamit sa lokal na teritoryo. Nagsasarosalida an mga parahayag sa pag-ensayo kan mga pag-atubang. Nagtatao nin komendasyon an tsirman, dangan nagtatao nin espesipikong mga ideya kun paano poponan an pag-adal sa librong Kaaraman.
Kanta 34 asin pantapos na pamibi.
Semana nin Pebrero 10-16
5 min: Lokal na mga paisi. Report sa kuenta. Parigonon an boot kan gabos na umatender sa miting para sa linalaoman na magigin mga auxiliary payunir sa Domingo, Pebrero 16.
10 min: “Pag-atubang kan Maogmang Bareta na May Pagkaapurado.” (Parapo 6-8) Idemonstrar an mga pag-atubang sa parapo 6-7.
30 min: “Kaipuhan—20,000 na Auxiliary Payunir.” Hapot-simbagan na pangengenotan kan paraataman sa paglilingkod. Itampok an kahon sa pahina 3. Repasohon an sampol na mga iskedyul sa pahina 6. An kada bautisadong parahayag dapat na pensaron personalmente asin na may pagngayongayo kun baga kaya niang magpalista sa laog nin saro o labi pang bulan. An dai pa bautisadong mga parahayag puedeng pahiwason an saindang kabtang sa ministeryo paagi sa pagbugtak nin sadiri nindang pasohan na oras kada bulan.
Kanta 43 asin pantapos na pamibi.
Semana nin Pebrero 17-23
15 min: Lokal na mga paisi. Ipakipag-olay an artikulong ‘Tabang sa Igong Panahon,’ na idinodoon an tampok na mga kabtang sa kada saro kan bagong mga publikasyon.
15 min: “An Memorial—Sarong Okasyon na May Dakulang Importansia!” Hapot-simbagan. Magtao nin pamparigon sa boot na gibohon na espesyal an bilog na bulan nin Marso paagi sa pag-auxiliary payunir.
15 min: Pagpoon nin mga Pag-adal sa Biblia sa Harong. Sa dai pa sana nahahaloy na mga bulan, ginatos na ribong libro an ikinapasakamot na. Nagtatao ini nin basehan para sa pagpoon nin dakol pang pag-adal sa Biblia. Parigonon an boot kan mga parahayag na kultibaron an gabos na interes. Ipasaysay nin espesipiko sa nagkapirang parahayag kun ano an saindang ginibo tangani na makapoon nin bagong mga pag-adal sa Biblia sa harong. Idoon na an mahalagang kabtang kan sugo sa sato iyo an paggibo nin mga disipulo. (Mat. 28:19, 20) Magigibo ini nin epektibo kun maghihingoa kitang iaplikar an mga suhestion na itinao sa Hunyo 1996 na suplemento kan An Satong Ministeryo sa Kahadean.
Kanta 47 asin pantapos na pamibi.
Semana nin Peb. 24–Mar. 2
15 min: Lokal na mga paisi. Ianunsiar an mga ngaran kan gabos na ma-auxiliary payunir sa Marso. Ipaliwanag na bako pang gayong huri na magsumitir nin aplikasyon. Parigonon an boot kan gabos na lubos na makikabtang sa paglilingkod sa langtad sa Sabado, Marso 1.
15 min: “Kumusta Man an Saindong mga Paryente?” Magkaibang pinag-oolayan nin sarong mag-agom an artikulo asin nagdedesisyon sinda kun paano dodolokon an daing pagtubod na mga paryente na dara an maogmang bareta.—Helingon an Pebrero 15, 1990 Watchtower, pahina 25-7.
15 min: Repasohon an Alok sa Marso—An Sekreto sa Kaogmahan nin Pamilya. Ipakipag-olay sa halipot an mga dahelan kan pagkalaglag nin pamilya sa modernong sosyedad. (Helingon an Oktubre 15, 1992 na Watchtower, pahina 4-7.) Repasohon an mga laog kan libro, sa pahina 3. Agdahon an mga nagdadangog na pumili nin mga kapitulo na makapagtatao kan basehan para sa sarong pag-atubang. Itokdo an nakatatabang na kahon sa pagtokdo na yaon sa poro kan kada kapitulo. Ipademonstrar sa sarong may kakayahan na parahayag kun paano iaatubang an libro.
Kanta 48 asin pantapos na pamibi.