Ano an Sasabihon Ko?

Kun nakanonompong kita nin mga tawo sa ministeryo na naghihimate, mawot niatong dumalaw liwat tanganing tawan sinda nin dugang pang patotoo. Minsan siring, tibaad bako kitang segurado kun ano an sasabihon sa pagpadagos kan masunod na pag-orolay. Puede nindong probaran an pagdolok na ini: Magpalataw nin interesanteng hapot, dangan buksan an librong Reasoning tanganing ipaheling an Makakasuratan na simbag. Makatatabang na magkaigwa nin lista nin mga hapot na dian puede kamong pumili nin saro na iniisip nindong makaeenganyar na marhay sa sarong partikular na pagsongko. An lista sa ibaba, na tinipon hale sa librong Reasoning, ipinaheheling an numero kan pahina kun saen makukua an kada simbag:

◼ Taano kita ta naggugurang asin nagagadan? (98, Death)

◼ May marahay daw na mga dahelan na maniwala sa Dios? (145, God)

◼ An Dios daw talagang nagmamakolog sa nangyayari sa satong mga tawo? (147, God)

◼ Dapat daw na an saro pumaduman sa langit tangani na magkaigwa nin tunay na maogmang ngapit? (163, Heaven)

◼ Taano ta mahalagang maaraman asin gamiton an personal na ngaran nin Dios? (196, Jehovah)

◼ Ano an gigibohon kan Kahadean nin Dios? (227, Kingdom)

◼ Ano an katuyohan kan buhay nin tawo? (243, Life)

◼ Taano ta kadakol nin relihion? (322, Religion)

◼ Paano maaaraman nin saro kun arin na relihion an tama? (328, Religion)

◼ Gurano kamakapangyarihan na persona si Satanas sa kinaban ngonyan? (364, Satan)

◼ Taano ta tinotogotan nin Dios an pagdusa? (393, Suffering)

◼ Taano ta grabe an karatan? (427, Wickedness)

Puede nindong ibugtak an siring na lista nin mga hapot sa saindong Biblia o librong Reasoning tangani na madaling makua. An pagkaigwa nin depinidong bagay sa isip na sasabihon sa mga pagdalaw liwat paririgonon an boot nindo na magin fiel sa pagkultibar kan gabos na interes na nanonompongan nindo.