Kun Ano an Sasabihon Manongod sa mga Magasin

An Torrengbantayan Mayo 15

“Sa paghona daw nindo posibleng mamidbid an Dios? [Pasimbagon.] Maoyon kamo na depisil na magtubod sa saro na daing gayo niato kamidbid. An totoo, ineenkaminar kita kan Biblia na hanapon an Dios. [Basahon an Gibo 17:27.] Ipinaheheling kan mga artikulong ini sa sato kun paano niato orog pang mamimidbid an Dios.”

Awake! Mayo 22

“An mga namomoon sa kinaban nag-eksperimento nin dakol na ideya sa paghihingoang resolberan an satong mga problema. An sarong estratehiya inaapod na globalisasyon. Sa magasin na ini, mababasa nindo an manongod sa kun paano an bagong paghihingoang ini tibaad nakaaapektar na sa saindong buhay. Mababasa man nindo an manongod sa panglobong solusyon na ihinula sa Biblia.” Dangan basahon an Mateo 6:​9, 10.

An Torrengbantayan Hunyo 1

“An nakaagi pa sanang mga pangyayari nagin dahelan na an dakol maghorophorop kun taano ta an daing kasalan na mga biktima nagagadan na dai pa sa panahon. Napag-isip-isip na daw nindo kun taano ta nagagadan an mga tawo? [Pasimbagon, dangan buksan sa tsart sa pahina 7.] Boot daw nindong maaraman kun ano an sinasabi kan Biblia manongod sa saro kan lakop na mga eroestoryang ini?” Kun posible, basahon an sarong sitadong teksto.

Awake! Hunyo 8

“Dakol an naniniwala na magkakontra an relihion asin siensia. An nagkapira naniniwala pa ngani na imposible na magtubod sa Dios an saro na sientipiko an kaisipan. Ano an saboot nindo manongod digdi? [Pasimbagon.] Tinotokar kan Awake! an temang ini sa nakapaliliwanag na marhay na paagi.”