Iskedyul sa Pagtiripon sa Paglilingkod
Semana nin Abril 11
10 min: Lokal na mga paisi. Piniling Mga Paisi sa An Satong Ministeryo sa Kahadean. An espesyal na kampanya sa pagwaras kan Magdanay Kamong Mapagbantay! matatapos sa Abril 17. Iaalok niato an mga magasin para sa natatada pang kabtang kan bulan na ini nin Abril. Gamiton an mga suhestion na nasa pahina 8 tangani na idemonstrar kun paano iaatubang an Torrengbantayan na Abril 15 asin an Awake! na Abril 22. Puedeng gumamit nin ibang realistikong pag-atubang. Sa saro sa mga demonstrasyon, ipaheling an parahayag na naghuhulit sa tinampo.
15 min: “Magdanay sa Paghuhulit.”a Kun may oras pa, imbitaran an mga nagdadangog na komentohan an sitadong mga teksto.
20 min: “Magin ‘Sibot na Gayo’ sa Saindong Ministeryo.”b Enkaminaron an 100% pakikikabtang durante kan espesyal na kampanya ngonyan na Abril. Imbitaran an duwa o tolong parahayag na magsaysay nin mga eksperyensia ninda sa pagtabang sa iba arog kan irinekomendar sa parapo 3-5.
Kanta 47 asin pantapos na pamibi.
Semana nin Abril 18
5 min: Lokal na mga paisi. Iiba an mga punto na nasa “Hapot.”
20 min: “Pagkondukta nin Progresibong mga Pag-adal sa Biblia—Kabtang 7.”c Kun nag-aandam kan kabtang na ini, helingon an Watchtower na Hulyo 15, 2002, pahina 27, parapo 5-6.
20 min: Kultibaron an Interes na Ginagamit an Bagong Brosyur. Pakikipag-olay sa mga nagdadangog na papangenotan kan paraataman sa paglilingkod. Maninigo kitang dumalaw liwat tanganing kultibaron an interes kan kada nag-ako nin kopya kan Magdanay Kamong Mapagbantay! Ginagamit an lista nin mga laog na nasa pahina 2, magtao nin halipot na sumaryo kan brosyur, na dinadara an atension sa tinawan nin pagdodoon na mga kabtang na halipot pero malaman (nakasurat sa regular na mga letra sa irarom kan mga titulo na nasa mas maitom na mga letra.) An materyales na ini magagamit para sa masunod na halipot asin makahulogan na mga pakikipag-olay. Halimbawa, kun itinampok an pahina 3-4 sa enot na pagdalaw, puedeng gamiton sa pagdalaw liwat an tinawan nin pagdodoon na kabtang na “Talaga daw na May Pagmakolog an Dios?” na nasa pahina 5. Ipaliwanag kun paano iyan magigibo. Repasohon an iba pang tinawan nin pagdodoon na mga kabtang, arog baga kan mga nasa pahina 6-8 asin 17-18 o iba pang angay para sa lokal na teritoryo. Idemonstrar an sarong pagdalaw liwat, na ginagamit an saro sa tinawan nin pagdodoon na mga kabtang. Maninigong basahon asin ipaliwanag an sarong sitadong teksto o labi pa. Makonklusyon an parahayag paagi sa pagdara kan atension sa saro pang tinawan nin pagdodoon na kabtang na puedeng pag-olayan sa masunod na pagdalaw.
Kanta 169 asin pantapos na pamibi.
Semana nin Abril 25
10 min: Lokal na mga paisi. Basahon an report sa kuenta asin mga pasasalamat sa donasyon. Pagirumdomon an mga parahayag na itao an report nin paglilingkod sa langtad sa Abril. Ginagamit an mga suhestion na nasa pahina 8 (kun angay sa saindong teritoryo), idemonstrar kun paano iaatubang an Torrengbantayan na Mayo 1 asin an Awake! na Mayo 8. Puedeng gumamit nin ibang realistikong mga pag-atubang. Sa saro kan mga pag-atubang, idemonstrar kun ano an sasabihon sa habong makipag-olay na nagsasabing, “Dai ako interesado.” (Helingon an librong Reasoning, p. 16.) Sambiton an mga artikulo na tibaad mas makakaakit tolos sa mga tawo sa teritoryo.
20 min: Pagpoon nin mga Pag-adal sa Biblia sa mga Nag-ako kan Bagong Brosyur. Pahayag asin pakikipag-olay sa mga nagdadangog na papangenotan kan paraataman sa paglilingkod. Repasohon sa halipot an pagdalaw liwat na idinemonstrar kan nakaaging Pagtiripon sa Paglilingkod, asin sambiton nangorogna an tinawan nin pagdodoon na kabtang na nasambitan sa pagtatapos kan pagdalaw na idto. Ipagamit sa mga parahayag na nagdemonstrar kan nakaagi (kun posible) an materyales na iyan sa pagdemonstrar kan masunod na pagdalaw liwat. Dangan gagamiton kan parahayag an likod na tutob kan brosyur sa pag-alok nin sarong pag-adal sa Biblia, asin magibo nin mga areglo na pag-olayan an leksion 1 kan brosyur na Kahagadan sa masunod na pagdalaw liwat. Enkaminaron an gabos na magkonsentrar sa pagpoon nin mga pag-adal sa Biblia sa mga nag-ako nin kopya kan Magdanay Kamong Mapagbantay!
15 min: “Gumibo nin Marahay Asin Maghiras sa Iba.”d Gumibo nin lokal na aplikasyon kan materyales, na sinasambit an praktikal na mga paagi na puede niatong matabangan an iba.
Kanta 8 asin pantapos na pamibi.
Semana nin Mayo 2
10 min: Lokal na mga paisi. Repasohon sa halipot an artikulong “Pag-adal sa Brosyur na Magdanay Kamong Mapagbantay!,” na nasa pahina 6. Sabihon na iyo ini an iskedyul para sa pag-adal kan brosyur. Enkaminaron an gabos na mag-andam na marhay asin makikabtang kada semana sa pag-adal, na mapoon sa semana nin Mayo 23.
15 min: Lokal na mga pangangaipo. Puedeng iiba an mga eksperyensia sa pagdalaw liwat sa mga napasakamotan kan Magdanay Kamong Mapagbantay! Iareglo nin patienot na iakto an ano man na marahayon na mga eksperyensia.
20 min: “An Gabos na Klase nin Tawo Makakaligtas.”e Gumibo nin praktikal na aplikasyon kan materyales sa lokal na teritoryo.
Kanta 112 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.
d Limitaran an introduksion sa mayo pang sarong minuto, asin sundan nin hapot-simbagan.
e Limitaran an introduksion sa mayo pang sarong minuto, asin sundan nin hapot-simbagan.