Sampol na mga Presentasyon

Sa pagpuon nin mga pag-adal sa Bibliya sa inot na Sabado nin Pebrero

“Dakul an naniniwala na an Diyablo an dahilan kan mga karatan sa kinaban. Pero nagngangalas sinda: ‘Paano nagkaigwa nin Diyablo? Diyos daw an naglalang sa saiya?’ Ano sa paghuna nindo? [Pasimbagon.] Hilinga an sinasabi digdi.” Ipahiling an artikulo sa likod kan Watchtower na Pebrero 1, asin ipakipag-ulay an inot na parapo asin an sitadong teksto. Ialok an mga magasin, asin iareglo an pagdalaw liwat tanganing pag-ulayan an sunod na hapot.

The Watchtower Pebrero 1

“Gusto ming kuanon an opinyon nindo manungod sa sarong tawo na pararehong iginagalang na marhay kan mga Kristiyano, Judio, saka Muslim. An tawong iyan iyo si Moises. Ano an inot na naiisip nindo pag nadadangog nindo an ngaran niya? [Pasimbagon.] Maski ngani may mga nagibong sala si Moises, interesante kun ano an sinasabi kan Bibliya dapit sa saiya. [Basahon an Deuteronomio 34:10-12.] Ipinapaliwanag kan magasin na ini an tulo sa marahay na mga kuwalidad niya asin kun paano ta siya maaarog.”

Awake! Pebrero

“Dakul ngunyan an nag-a-abroad sa paghanap nin mas marahay na buhay. Sa hiling nindo pirmi kaya na nagkakatotoo iyan? [Pasimbagon.] Bako nang bago an pag-abroad. Hilinga an halimbawa na ini sa pinakainot na libro kan Bibliya. [Basahon an Genesis 46:5, 6.] Sinisimbag kaining magasin an mga hapot na ini.” Ipahiling sa kagharong an mga hapot na nasa puro kan pahina 6.