Tabangan Sindang Magin ‘Marigon sa Pagtubod’

Nakakaugma nanggad na binebendisyunan ni Jehova an gibuhon na pagtipon. Labing 250,000 an nababawtismuhan kada taon. (Deut. 28:2) Pag natabangan na nin parahayag an tinutukduan sa Bibliya na magpabawtismo, tibaad punduhon na niya an pag-Bible study sa saiya para magtabang naman sa iba. Posible man na papunduhon na kan tinutukduan sa Bibliya an pag-Bible study para mas dakul an panahon niya sa ministeryo. Pero mahalaga na an mga tinutukduan sa Bibliya igwa nin matibay na pundasyon sa katotoohan. Kaipuhan na sinda “nakagamot” ki Cristo asin ‘marigon sa pagtubod.’ (Col. 2:6, 7; 2 Tim. 3:12) Kaya pagkabawtismo, dapat ipadagos an pag-Bible study sagkod na matapos an Itinotokdo kan Biblia asin “Pagkamoot nin Dios.”—Hilingon an Abril 2011 na An Satong Ministeryo sa Kahadean, pahina 2.