Paggamit kan The Greatest Man Who Ever Lived
1 Sa dakol nang mga taon, haros gabos sa satong mga publikasyon sa nagkapirang paagi nagsurat sa buhay asin ministeryo ni Jesu-Cristo. Iyan angay, huli ta “mayo na nin ibang ngaran sa sirong nin langit na itinao sa mga tawo na sukat makaligtas sa sato.” (Gibo 4:12) Napapalaen an bagong librong ini ta ini an pinakaenot na an saro sa satong mga libro esklusibong idinusay sa buhay ni Jesus.
2 Pag-alok Kaiyan sa Iba: Ano an interesanteng mga artikulo sa publikasyon na ini na puwede niatong idoon? Pinalalataw kan kapitulo 5 an angay na hapot, “Jesus’ Birth—Where and When?” Puwede nindong makua an interes nin sarong hoben paagi sa nakaoogmang estorya sa kapitulo 44, “Silencing a Terrifying Storm.” An saro na nakaeeksperyensia nin pisikal na helang o diperensia siertong maaaling paagi sa kapitulo 57, “Compassion for the Afflicted.” An Kapitulo 90, “The Resurrection Hope,” maninigong makainteres sa siisay man na nagmondo sa pagkawara nin namomotan. An pag-oolay dapit sa makamomondong mga kamugtakan sa kinaban magdadara sa kapitulo 111, “Sign of the Last Days.”
3 Sa pinto puwede nindong sabihon ini: “Ano an linalaoman nin Dios sa sato bilang mga Kristiano? Tinotokdoan kita kan Biblia na arogon an halimbawa na itinao kan pinakadakulang tawo sa kinaban, si Jesu-Cristo. [Basahon an 1 Pedro 2:21.] Tinokdoan nia an saiyang mga parasunod na mamotan an saindang kataed, magdanay na malinig sa moral, asin mamibi para sa pagdatong kan Kahadean nin Dios. An kaligtasan niato minadepende sa pagmidbid asin pagkuyog ki Jesus bilang satong Paraligtas. [Basahon an Juan 14:6.] Mantang minadepende kita saiya para sa kaligtasan, dai daw nindo namamatean na kaipuhan niatong makanood sagkod sa mapupuwede dapit sa saiyang gibohon asin sa saiyang itinokdo? Inandam an librong ini espesyalmente sa katuyohan na iyan, asin naoogma akong ialok an kopyang ini saindo.”
4 Siertohon na dumalaw liwat sa gabos na nagkua nin libro. Puwede iyan na gamiton para sa pagpoon nin mga pag-adal sa Biblia. Iyan espesyalmenteng marahay para sa pampamilyang pag-adal asin pagkondukta nin pag-adal sa mga hobenes. Makatatabang an paghiras kan librong ini sa iba na manompongan an dalan pasiring sa buhay na daing katapusan.