Epektibong Paggamit sa mga Brochure Ngonyan na Agosto
1 Tanganing maparikas an paggibo nin disipulo, an organisasyon nagsuplay nin dakol na brochure na nagpapaliwanag nin espisipikong mga tema, siring baga kan katuyohan nin Dios sa daga, Trinidad, ngaran nin Dios, an gobyerno kan Kahadean, asin an pagtogot nin Dios sa kasakitan. Paano niato epektibong magagamit an mga brochure?
2 An brochure na An Dios daw Talagang May Pagmakolog sa Sato? nagpapaliwanag na harani na an sarong bagong kinaban na libre sa kasakitan. Paano niato iyan ikaiintrodusir? An mga suhestion makukua sa librong Reasoning sa temang “Suffering,” poon sa pahina 393, o tibaad mas gusto nindo an introduksion sa pahina 12 sa temang “Injustice/Suffering.”
3 Puwede nindong sabihon:
◼ “Naisip-isip na daw nindo: ‘An Dios daw talagang may pagmakolog na an mga tawo nakaeeksperyensia nin inhustisya asin kasakitan?’” Pasimbagon. Basahon an Salmo 72:12-14. Dangan buksan an pahina 22 kan brochure na An Dios daw Talagang May Pagmakolog sa Sato? asin ipakipag-olay an mga tema sa kabtang 10, patin an ilustrasyon sa pahina 23. Kun sinayumahan an brochure, mag-alok nin tract, arog baga kan Ranga Para sa mga May Depresyon o Life in a Peaceful New World.
4 An marahay na gobyerno dakula an importansia ngonyan. Dakol an nag-iisip-isip kun mapagsasararo nin pamamahala nin tawo an kinaban. An marahay na impormasyon makukua sa temang “Government,” magpoon sa pahina 152 kan librong Reasoning.
5 Puwede nindong ihapot:
◼ “Posible daw sa mga tawo na mag-establisar nin sarong gobyerno na makatatao nin daing sagkod na kaogmahan?” Pasimbagon, dangan hapoton: “Ano an ipinaheheling kan tala nin kasaysayan nin tawo?” Basahon an Jeremias 10:23, o buksan an pahina 152 kan librong Reasoning asin basahon an angay na mga teksto asin komento. Dangan buksan an pahina 24 asin 25 kan brochure na Government asin pag-olayan an mga ilustrasyon asin teksto. Kun an kagharong dai mag-ako kan brochure, ialok an tract na An Kinaban daw na Ini Magdadanay?
6 Kun may pagkatakot sa krimen sa saindong pagtaraed, an minasunod na introduksion puwedeng nakaaakit.
7 Puwede nindong sabihon:
◼ “Dakol na tawo an nag-iisip-isip, ‘Kun an Dios pagkamoot, taano ta tinotogotan nia an kasakitan?’ Naisip-isip na man daw nindo ini?” Pakomentohon, dangan sabihon: “Mangnoha na an Talinhaga 19:3 nagpapatanid tumang sa pagbasol sa Dios huli sa mga karatan na ginigibo nin mga tawo.” Pakabasaha kan teksto, darahon an atension sa pahina 15 kan brochure na “Uya! Ginigibo Kong Bago an Gabos na Bagay” asin basahon an parapo 27.
8 An paggamit kan mga brochure tanganing tokdoan an arog-karnerong mga tawo sarong bagay na gabos kita makahihimo. Gamiton niato iyan nin epektibo ngonyan na Agosto.