Ano an Saindong mga Plano sa Panahon nin Bakasyon?

Kun pinag-iisip-isip niato an panahon nin bakasyon, iniisip-isip niato an mainit na kamugtakan nin panahon asin mga plano sa pagpaharohayahay o maogmang pagsongko sa mga paryente asin katood. Kun ginigibo an mga plano nindo sa bakasyon, uya an pirang pagirumdom na puedeng makatabang sa saindo na mapagdanay na enot an intereses kan Kahadean:

◼ Kun mabakasyon kamo, planohon na umatender sa mga pagtiripon kan lokal na kongregasyon asin makikabtang sa ministeryo. Siertohon na itao an saindong mga report sa paglilingkod; kun kaipuhan, ipadara iyan sa koreo sa saindong sekretaryo kan kongregasyon.

◼ An pagsongko sa mga paryente na mayo sa katotoohan puedeng magtao sa saindo nin oportunidad na makapatotoo nin impormal. Siertohon na darahon an saindong Biblia asin literatura.

◼ Napaghorophorop na daw nindo an dapit sa pagtabang sa sarong haraning kongregasyon na nangangaipo nin tabang sa pagkobre kan teritoryo kaiyan? Kaolayon an kamagurangan o an paraataman sa sirkito tangani na makakua nin impormasyon manongod sa mga pangangaipo sa saindong lugar.

◼ An mga bakasyon sa eskuelahan nagtatao nin marahay na oportunidad sa hobenes na pahiwason an saindang aktibidad sa paglilingkod. Mga hoben, puede daw kamong magpalista bilang auxiliary payunir?

◼ May marahayrahay na kamugtakan nin panahon asin mas halawig na oras an aldaw, puede kamong makakua nin mararahay na resulta paagi sa paggibo nin orog pang pagpatotoo sa banggi na nasa harong an dakol na tawo.

◼ An kamagurangan maninigong magin alisto na papagdanayon na organisadong marhay an mga aktibidad kan kongregasyon, na iinaareglo an saro na asikasohon an mga paninimbagan na iinasignar sa mga mahale.

Girumdomon na “an mga plano kan mahigos siertong pasiring sa pakinabang.” (Tal. 21:5) Planohon na madonong na gamiton an saindong panahon nin bakasyon.