Magtaram nin Katotoohan sa Saindong Kataed
1 Mantang an mga magasin na Torrengbantayan asin Awake! pinakokosog an mensahe kan Biblia manongod sa katotoohan, an pagwaras sa mga babasahon na ini ngonyan na bulan nin Mayo sarong paagi na kita ‘magtaram nin katotoohan sa satong mga kataed.’ (Efe. 4:25) Uya an pirang ideya na puedeng makatabang sa sato na makapoon:
2 An Abril 22 na “Awake!” maninigong itampok sagkod na maubos an saindong suplay. Puede nindong ponan an saindong pag-atubang paagi sa paghapot:
◼ “Ano an saindong reaksion sa sarong kinaban na mayo nin guerra? [Pasimbagon.] Aram daw nindo na an mga relihion sa kinaban aktuwal na nagpapalakop nin mga guerra asin paggadan? [Pasimbagon.] Kabaliktaran nanggad, mangnoha an sinasabi kan Biblia na gigibohon kan tunay na mga parasamba nin Dios.” Basahon an Isaias 2:2-4 poon sa itaas kan pahina 4 kan magasin, dangan sa pahina 10 basahon an enot na parapo sa irarom kan subtemang “Calling to Lovers of Peace.” Sunod, ihapot: “Aram daw nindo kun paano iyan gigibohon nin Dios? Makukua an simbag sa magasin na ini, asin ini an saindong kopya na mababasa.”
3 Kun iinaalok an Mayo 15 “Torrengbantayan,” probaran na sambiton an sarong dai pa sana nahahaloy na bareta na nagpangyari sa mga tawo na makamate na bakong tiwasay, dangan ihapot:
◼ “Ano sa paghona nindo an kaipuhan tangani na makamate kitang tunay na tiwasay sa buhay na ini? [Pasimbagon.] Sa prangkang pagtaram, realistiko daw na magtiwala sa mga tawo na resolberan an mga problema na napapaatubang sa katawohan? [Pasimbagon; dangan basahon an Salmo 146:3.] Dangan tinatawan kita kan salmista nin dahelan na magin mapaglaom sa marahay dapit sa ngapit. [Basahon an Salmo 146:5, 6.] An artikulong ini, ‘Tunay na Katiwasayan—Ngonyan Asin Sagkod Lamang,’ nagpapaliwanag kun taano kita ta makatitiwala ki Jehova Dios na magtatao nin mas marahay na mga kamugtakan digdi sa daga.” Ialok an mga magasin asin iareglo na bumalik liwat.
4 Huli sa lakop na marhay na pagkadaing tiwala sa tahaw nin mga tawo ngonyan, tibaad an artikulo sa “Young People Ask” manongod sa “Why Can’t I Keep Friends?” na nasa Mayo 22 na “Awake!” puedeng gamiton. Puede nindong ihapot:
◼ “Pinahahalagahan niato gabos an marahay na mga katood. Ano sa paghona nindo an sekreto sa nagdadanay na pagkakatood? [Pasimbagon.] Mangnoha an sinabi ni Jesus sa Mateo 7:12. [Basahon, dangan komentohan, na ipinaheheling an artikulo.] Ipinaheling ni Jesus sa Juan 15:13 kun ano talaga an tunay na pagkakatood. [Basahon.] Aram kong maoogma kamong basahon an artikulong ini.” Ialok asin iareglo na bumalik liwat.
5 Kun mas gusto nindo nin sarong halipot na pag-atubang, puede nindong probaran ini:
◼ “Dakol an nakakamate na an kadaklan na magasin ngonyan nagtatampok nin sobrang komersialismo, sekso, o kadahasan. [Ipaheling an Torrengbantayan asin Awake!] Iwinawaras niamo an kapakipakinabang na mga babasahon na ini na basado sa Biblia. Edukasyonal iyan na marhay asin nagtotokdo sa sato na sambahon an Dios, kamotan an kataed, asin papagdanayon an tanos na paggawe. Aram ko na maoogma kamong basahon an mga luwas na ini.”
6 Kun maigot kita sa pagtaram kan katotoohan sa satong mga kataed, puede kitang makapagtao nin dakulaon na kagayagayahan sa dakol.—Gibo 8:4, 8.