Puede daw Niatong Ialok an Librong Creator?

Sa dai pa sana nahahaloy na pandistritong mga kombension kita gabos naggayagaya na akoon an librong Is There a Creator Who Cares About You? Iyan libro na espesyalmenteng dinisenyo para sa mga, maski ngani halangkaw an inadalan sa sekular na mga bagay, tibaad dai nagtutubod sa Dios. Pinaninigoan kan librong ini an padakol nang padakol na pangangaipo.

Sa praktikal na mga dahelan an bulanan na alok parateng itinatampok an mga publikasyon na mas dakol an naaakit. Nangangahulogan daw ini na dai na niato maninigong ialok an librong Creator? Dai man! Puedeng ialok an librong ini sa ano man na panahon sa bilog na taon sa mga indibiduwal na dai nagtutubod sa Dios asin puedeng makinabang dian. Iyan puede man na ialok sa mga indibiduwal na nagtutubod sa Dios alagad mayo nin tunay na ideya sa kun siisay sia o kun ano an saiyang mga kualidad asin katuyohan. Kaya ineenkaminar kamong magdara nin kopya sa saindong bag na ginagamit sa pagpapatotoo asin magin andam na ialok iyan sa siisay man na iniisip nindo na magigin interesadong magbasa kaiyan.