Hapot

◼ Maninigo daw na an kongregasyon magkaigwa nin kompletong mapa kan teritoryo na nakapaskil sa Kingdom Hall?

Iyo, an kompletong mapa kan teritoryo maninigong ilaag sa sarong kuadro asin ipaskil iyan sa sarong lanob kan Kingdom Hall. Dai maninigong ibugtak an mapa sa information board. Maninigong ipaheling kaiyan an kabilogan na mga linderos kan asignadong teritoryo kan kongregasyon asin an mga linderos kan kada indibiduwal na teritoryo kaiba an asignadong numero kaiyan. Maninigong iindikar an mga linderos kan teritoryo kan gabos na kongregasyon na naggagamit nin saro sanang Kingdom Hall. An pagpaheling sa mapa kan mga lugar kan Pag-adal sa Libro kan Kongregasyon makakatabang man sa gabos sa paghanap kan pag-adal sa libro na naasignaran sa sainda.

An pagpaskil kan siring na mapa makakatabang sa mga gustong pumili nin teritoryo na harani sa saindang harong. Iyan kun beses nakakaekonomiya sa oras sa mga pagtiripon bago lumuwas sa paglilingkod, na nagpapangyari sa namamayo na ikatokdo tolos an lambang grupo nin mga parahayag sa lugar na iinasignar sa sainda na hulitan.

An mapa nagtatao man nin ebidensia na an kongregasyon organisado tangani na lubos na ihulit an mensahe kan Kahadean sa asignadong teritoryo kaiyan.​—Luc. 9:6.