Pagpatalubo nin Pag-apresyar sa The Bible—Mankind’s Oldest Modern Book
An minasunod na mga hapot itinatampok an mga punto na puedeng naobserbaran nindo kan nagdadalan kan video na ini: (1) Anong mga impormasyon an nagpapamidbid sa Biblia bilang daing kaagid? (2) Magtao nin halimbawa kun paano an Biblia, minsan suanoy na, minaoyon sa siensia sa presenteng panahon. (3) Paano kita makaseseguro na an Biblia ngonyan dai nabago sa orihinal na mga surat? (4) Ano an pambihirang aspekto nin teksto kan suanoy na mga manuskrito sa Biblia, asin anong kompiansa an itinatadom kaini sa saindo? (5) Sa anong mga paagi na si John Wycliffe, Johannes Gutenberg, William Tyndale, Mary Jones, asin Charles Taze Russell nakakontribwir sa pagpalakop kan Tataramon nin Dios sa bilog na kinaban? (6) Paano maringis na kinontra kan iglesia an Biblia, alagad ano an nagpangyari dian na magdanay sagkod sa satong kaaldawan? (7) Sagkod saen ikinatradusir asin prinodusir kan organisasyon ni Jehova an mga Biblia? (8) Paano an praktikal na hatol kan Biblia nakatabang sa mga tawo na atubangon an mga problema dapit sa bangkag na pagsugal (1 Tim. 6:9, 10), pagbulag nin mag-agom asin pagtraydor sa agom (1 Cor. 13:4, 5; Efe. 5:28-33), saka pagkapreokupado sa materyal na mga kayamanan (Mat. 16:26)? (9) Ano an ebidensia na an pag-aplikar kan mga prinsipyo sa Kasuratan puedeng makahale kan nasyonal, etniko, asin rasyal na pagkaongis sa kinaban? (10) Sa anong mga paagi na an pakanood kan mga laog kan Biblia nagtao sa saindo nin mas dakulang kaogmahan? (11) Siisay sa paghona nindo an makikinabang sa video na ini, asin paano nindo iyan iaatubang sa sainda?