The Bible—A Book of Fact and Prophecy
An video na Mankind’s Oldest Modern Book iyo an primero sa tolong video na makukua sa DVD na The Bible—A Book of Fact and Prophecy. Pagkatapos na maheling an video na ini, simbagon an minasunod na mga hapot:
(1) Sa anong mga paagi na an Biblia kaoyon kan modernong siensia? (2) Paano kita makakaseguro na an mga Bibliang makukua ngonyan tamang-tama na irinerepresentar an orihinal na mga isinurat? (3) Ano an sarong pambihirang aspekto nin teksto kan suanoy na mga manuskrito sa Biblia? (4) Sa anong mga paagi na si John Wycliffe, Johannes Gutenberg, William Tyndale, John Hus, Martin Luther, Casiodoro de Reina, saka Charles Taze Russell nakakontribwir sa pagpalakop kan Tataramon nin Dios sa bilog na kinaban, asin paano maringis na kinontra kan iglesia an Biblia? (5) Paano an praktikal na hatol kan Biblia nakatabang sa mga tawo na atubangon an mga problema sa salud (Sal. 34:8), pagkabangkag sa pagsugal (1 Tim. 6:9, 10), pagsuwayan nin mag-agom saka pagtraydor sa agom (1 Cor. 13:4, 5; Efe. 5:28-33) asin pagigin sibot-sibot sa materyal na mga kayamanan (Mat. 16:26)? (6) Ano an ebidensia na an pag-aplikar kan mga prinsipyo sa Kasuratan puedeng makahale nin pagkaongis sa mga tawo na iba an nasyonalidad, kinabibilangan na grupong etniko o rasa (Luc. 10:27)? (7) Paano an pagsunod sa mga prinsipyo sa Biblia nagtao sa saimo nin orog na kaogmahan? (8) Paano nindo magagamit an video na ini sa pagtabang sa iba?—Helingon An Satong Ministeryo sa Kahadean na Pebrero 2006, pahina 8.