Kun Ano an Sasabihon Manongod sa mga Magasin

An Torrengbantayan Abr. 15

“Saen man sinda nakaistar, interesado an mga tawo sa seguridad, arog baga kan pakanompong asin pagpapadanay nin igong trabaho. Alagad napagpensar na daw nindo na igwa nin sarong burabod nin permanenteng seguridad, na magpapangyari sa saindo na magin tiwasay sagkod lamang? [Basahon an Salmo 16:​8, 9.] An isyu na ini kan An Torrengbantayan nagsisiyasat kun saen makukua an tunay na seguridad.”

Awake! Abr. 22

“Dakol ngonyan an nagbabaya sa organisadong relihion tangani na sumamba sa Dios sa sadiri nindang paagi. Ano daw an saboot nindo manongod sa tendensiang iyan? [Pasimbagon.] Ipinaheheling kan Biblia na talagang importante para sa Dios kun paano niato sia sinasamba. [Basahon an Juan 4:24.] An isyu na ini kan Awake! nagsasabi manongod sa pinakamarahay na paagi na mapaninigoan an saindong espirituwal na mga pangangaipo.”

An Torrengbantayan Mayo 1

“May midbid daw kamo na grabe an helang o may kabiadian? Daing duwa-duwa na maoyon kamo na an mga siring nangangaipo nin pamparigon sa boot. Alagad ano an puede niatong sabihon tangani na parigonon an boot ninda? An Biblia nagtatao nin mga tataramon nin paglaom. [Basahon an Isaias 35:​5, 6.] An isyu na ini kan An Torrengbantayan nagpapaliwanag kun taano ta makasesegurado kita na an hulang ini maootob.”

Awake! Mayo 8

“Durante kaining nakaaging taon, nameligro an katoninongan nin orog kasuarin man kaidto. Sa paghona daw nindo may kapangyarihan an mga gobyerno nin tawo na mag-establisar nin pankinaban na katoninongan? [Pakasimbag, basahon an Isaias 2:4.] An isyu na ini kan Awake! nagpapaheling kun taano kita ta makasisierto na an pankinaban na katoninongan madali nang magkatotoo.”