Kun Ano an Sasabihon Manongod sa mga Magasin

An Torrengbantayan Mayo 15

“Aroaldaw may nababaretaan kitang mga kadahasan. Sa paghona daw nindo nag-eksister na kaidto an siring na mga kamugtakan? [Pasimbagon.] Mangnoha an sinasabi kan Biblia. [Basahon an Mateo 24:37.] Maraoton an kaaldawan ni Noe kaya pinara nin Dios an gabos apuera ki Noe asin an saiyang pamilya. Ipinaheheling kan magasin na ini kun paano an mga pangyayaring idto igwa nin kahulogan para sa sato ngonyan.”

Awake! Mayo 22

“Ngonyan, an helang na dara nin insekto saro sa dakol na peligro sa satong salud. Aram daw nindo na may magigibo kitang prebension sa pagprotehir sa satong sadiri? [Pasimbagon.] Tinotokar kan magasin na ini an prebension na ini, saka an panuga kan Biblia na sarong panahon na mawawara na an helang.” Taposon paagi sa pagbasa kan Isaias 33:24.

An Torrengbantayan Hun. 1

“An mga bareta manongod sa salang pagkapot sa idinonar na pondo an nagin dahelan na an nagkapira nag-iisip-isip kun madonong na magtao sa institusyon sa pag-abuloy. Pero, kadakol nin nangangaipo. Ano sa paghona nindo an puedeng gibohon? [Pasimbagon. Dangan basahon an Hebreo 13:16.] Ipinaliliwanag kan magasin na ini an klase nin pagtao na nakapaoogma sa Dios.”

Awake! Hun. 8

“Garo baga an pagpapahalaga kan mga tawo ngonyan sa moral asin marahay na ugale bako nang kapareho kan nakaaging mga taon. Totoo daw iyan sa obserbasyon nindo? [Pasimbagon.] Interesante nanggad, ihinula ini kan Biblia. [Basahon an 2 Timoteo 3:​1-5.] Tinotokar kan isyung ini kan Awake! kun taano ta nagbabago an mga prinsipyo sa buhay nin tawo asin kun ano an nakatagama sa ngapit.”