Kun Ano an Sasabihon Manongod sa mga Magasin

An Torrengbantayan Abr. 15

“Sa nakaagi pa sanang mga taon dakol an nakaobserbar sa pagruro nin pagpapahalaga sa espirituwal na mga bagay. Nariparo daw nindo ini? [Pasimbagon. Dangan basahon an Salmo 119:105.] An pagpapahalaga sa espirituwal na mga bagay makakatabang sa mga tawo na malikayan an dakol na natatagong peligro sa buhay. Itinotokdo kan magasin na ini kun saen makukua an tunay na espirituwal na mga prinsipyo sa buhay.”

Awake! Abr. 22

“Sa kinaban ngonyan na marikas an dalagan nin mga bagay-bagay, dakol an nag-iisip-isip kun baga an mga aki nagtatalubo man nin marikason. Ikinahahadit daw nindo ini? [Pasimbagon. Dangan basahon an Eclesiastes 3:​1, 4.] An pagkaniaki dai maninigong magin panahon na pasanon an mga bagay na para sa mga nasa edad na. Tinotokar kan isyung ini kan Awake! kun paano mapoprotehiran nin mga magurang an pagkaniaki kan saindang mga aki.”

An Torrengbantayan Mayo 1

“May mga hapot na dai kayang simbagon nin tawo. Mangnoha an halimbawang ini. [Basahon an Job 21:7.] Nagkaigwa na daw kamo nin hapot na gusto nindong ihapot sa Dios? [Pasimbagon.] Ipinaliliwanag kan magasin na ini kun paano nakua nin mga tawo sa gabos na parte kan daga an nakakokontentong simbag sa tolong pinakamahalagang hapot sa buhay.”

Awake! Mayo 8

“An kadaklan sa sato may midbid na may diabetes. Dakol daw kamong aram manongod sa helang na ini? [Ipaheling an tutob nin magasin, asin pasimbagon.] Sinisiyasat kan magasin na ini an mga causa nin asin pagbolong sa diabetes. Tinotokar man kaiyan an panuga kan Biblia na sarong permanenteng bolong para sa gabos na helang.” Taposon paagi sa pagbasa kan Isaias 33:24.