Gamiton an Librong Worship God sa Pamamayo nin mga Pag-adal sa Biblia

An librong Worship the Only True God dinisenyo sa pagtabang sa mga bagohan na umoswag sa katotoohan asin pararomon an saindang pagpapahalaga ki Jehova asin sa saiyang organisasyon. Magagamit iyan sa mga inaadalan sa Biblia bilang ikaduwang librong pag-aadalan. An Hunyo 2000 na An Satong Ministeryo sa Kahadean, pahina 4, nagpaliwanag: “Kun risang-risa na an saro nag-ooswag, dawa ngani maluway, asin na nagtatalubo an pag-apresyar nia sa saiyang nanonodan, kun siring ipadagos an pag-adal sa Biblia sa ikaduwang libro pakatapos kan brosyur na Kahagadan asin kan librong Kaaraman. . . . Sa gabos na kamugtakan, an pag-aadalan nguna brosyur na Kahagadan asin librong Kaaraman. An pag-adal sa Biblia, mga pagdalaw liwat, asin oras na ginamit sa pagpadagos kan pag-adal maninigong iiba sa bilang asin ireport, dawa kun an inaadalan mabautismohan bago matapos an ikaduwang libro.”

Siisay pa an makikinabang sa pag-adal sa Biblia sa librong Worship God? An artikulo man sanang iyan nagpapadagos: “Kun may midbid kamong nagkapira na nag-adal [kan brosyur na Kahagadan asin] kan librong Kaaraman kan nakaagi alagad nungkang nag-oswag sa pagdusay asin bautismo, tibaad boot nindong boluntad na aramon kun gusto nindang ipagpadagos an saindang pag-adal sa Biblia.” Gumibo kita nin espesyal na paghihingoa na maponan nin mga pag-adal an mga siring sa librong Worship God ngonyan na Abril asin sa Mayo.