Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • km 12/03 p. 1
  • Paghanap sa mga Maninigo

Mayong video na available para digdi.

Sori, may error sa pag-load kan video.

  • Paghanap sa mga Maninigo
  • An Satong Ministeryo sa Kahadean—2003
  • Kaagid na Materyal
  • Puedeng Magin Epektibo an Pagpapatotoo Paagi sa Telepono
    An Satong Ministeryo sa Kahadean—2009
  • Mapangganang Paghuhulit Paagi sa Telepono
    An Satong Ministeryo sa Kahadean—2001
  • Naprobaran Na daw Nindong Magpatotoo sa Banggi?
    An Satong Ministeryo sa Kahadean—1996
  • Makikinabang Ka daw sa Pagkaigwa nin Personal na Teritoryo?
    An Satong Ministeryo sa Kahadean—2013
Iba Pa
An Satong Ministeryo sa Kahadean—2003
km 12/03 p. 1

Paghanap sa mga Maninigo

1 An mga instruksion ni Jesus sa paggibo kan paghuhulit nag-aatubang sa sato nin angat. Sia nagsabi: “Sa ano man na siudad o baryo kamo lumaog, hanapon nindo kun siisay dian an maninigo.” (Mat. 10:11) Huling an mga tawo ngonyan padikit nang padikit an oras na ginagamit sa harong, paano niato magigibo nin epektibo an paghanap na ini?

2 Analisaron an Teritoryo Nindo: Magpoon paagi sa pag-analisar kan teritoryo nindo. Noarin posibleng marhay na nasa harong an mga tawo? Saen sinda manonompongan durante kan aldaw? Igwa daw nin sarong aldaw kan semana o oras kan aldaw na tibaad mas andam nindang aakoon an pagdalaw? An pagliwat kan ministeryo nindo tangani na bumagay sa rutina asin mga sirkonstansia nin mga tawo sa lokal na teritoryo makakatabang sa saindo na magibo an pinakamarahay.​​—1 Cor. 9:​23, 26.

3 Dakol na parahayag an nagin mapanggana durante kan amay na mga oras sa banggi. May mga kagharong na mas relaks asin magugustong maghinanyog sa oras na iyan. Kun maoran an panahon asin dai kamo makaluwas huli sa baha, puedeng magin epektibo an paghuhulit paagi sa telepono o pagsurat. An paghuhulit sa komersial na teritoryo asin paghuhulit sa pampublikong mga lugar mga paagi man na mapaabotan an mga tawo kan maogmang bareta.

4 Durante nin sarong bulan na may espesyal na aktibidad, iinareglo nin sarong kongregasyon an paghuhulit sa oras na pabanggi na kun Sabado asin Domingo saka paghuhulit sa banggi kun Mierkoles asin Biernes. Nag-organisar man sinda nin paghuhulit paagi sa telepono asin nag-areglo na maghulit sa komersial na teritoryo. An mga areglong ini nagpakosog na marhay nin entusiasmo para sa ministeryo kaya nagdesisyon an kongregasyon na ipadagos iyan.

5 Maigot na Dumalaw Liwat: Kun sa teritoryo nindo masakit na manompongan sa harong an mga tawo kun nagdadalaw liwat kamo, pagmaigotan na sa pagtatapos kan kada pagdalaw, pati na sa enot na pagsongko, gumibo kamo nin espesipikong pag-oolay na masongko giraray. Dangan, seguradohon na otobon an napag-olayan. (Mat. 5:37) Kun angay, puede nindong hagadon an numero kan telepono kan kagharong. Makakatabang man ini sa saindo na kontakon giraray an tawong iyan.

6 Seguradong bebendisyonan ni Jehova an maigot na mga paghihingoa niato na hanapon an mga maninigo asin kultibaron an interes na nanonompongan niato.​​—Tal. 21:5.

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share